Брокер деген кім және ол несімен пайдалы?

Брокер — сатып алушы және сатушы арасындағы кәсіби делдал, оларды таныстырады және мәмілені жасалуына жағдай жасайды.

Бұл ретте брокер нақты мәміледе бір тараптың тапсырмасымен және оның пайдасына әрекет етеді. Егер сіз сауда жасауды көздесеңіз, сіздің брокеріңіз сіз үшін сатушыны тауып, онымен немесе оның брокерімен мәміле жайында келіседі.

Брокер өз қызметі үшін комиссия алады. Адам немесе компания осындай делдал болуы мүмкін.

Әр түрлі брокерлер бар:

Сақтандыру, кредиттік, лизингілік, әуеброкерлер, жылжымайтын мүлік брокерлері бар. Бізге қызығы әрі солардың ішінде кеңінен таралған түрлерінің бірі – биржалық брокерлер. Олар бағалы қағаздарды сатып алуды немесе сатуды көздейтін қатысушылар үшін керек. Азаматтар мен компаниялар биржаға арнайы лицензиясыз келіп, саудаласуды бастай алмайды. Өтінімдерді нарықтың кәсіби қатысушылары ғана ұсына алады.

Сол үшін акцияларды сатып алу үшін сіз міндетті түрде келесідей үш қадамды өтуіңіз қажет:

1. Брокерден шот ашу,
2. Оны толтыру,
3. Сауда платформасында немесе инвестициялық консультант арқылы бұйрық беру

Осы қадамды орындағаннан кейін брокер сіздің ақшаңызды алып, оларды биржаға салады және өтінімде керек саны көрсетілген акцияларды сіздің бұйрығыңыз бойынша керек бағамен сатушыны тауып береді. Брокер өзіне шағын комиссиялық сыйақы қалдырады. Сіз акцияларды сатуды көздесеңіз, процесс дәл осылай жүреді. Брокер сатып алушыны тек биржада ғана тауып береді. Сол үшін сіз тағы шағын комиссия төлейсіз.

Жоғарыда сипатталған барлық операция арнайы сауда платформасында онлайн өтеді. Мәмілелерге санаулы секунд жұмсалады.

Құралдар

Брокер арқылы тек акцияларды ғана емес, сондай-ақ келесілерді де сатып алуға болады:

•          Облигациялар;
•          Опциондар;
•          Биржалық қорлар (ETF);
•          Пай инвестициялық қорлар;
•          Кейбір брокерлерден фьючерстер мен валюта.

Басқа да қызметтер

Инвесторларды тарту үшін заманауи брокерлер толыққанды инвестициялық компаниялар ретінде әрекет етеді. Олар сауда-саттыққа өтуден бөлек, сондай-ақ аналитиканы, инвест-идеяларды, оқуды, консультацияларды, сенімгерлікпен басқарылатын өнімдерді ұсынады.

Сенімді делдал таңдау

Брокерді мұқият таңдап, оның келесідей жағдайын тексеру қажет:

•          лицензиясын;
•          биржаларға мүшелігін;
•          қаржылық есептіліктің айқындылығы мен қолжетімділігі;
•          рейтингісін;
•          пікірін.

Мына жағдайды міндетті түрде ескеріңіз

Инвестициялық компаниялар бағалы қағаздардың өсетініне кеңес беріп, олардың әлеуетін бағалай алады. Нағыз брокерлердің ешқайсысы сізге жоғары тұрақты кірістің түсетініне КЕПІЛДІК БЕРЕ АЛМАЙДЫ. Егер компания кепілдік берілген ондаған немесе жүздеген пайызды уәде етсе, алаяқтар болуы мүмкін.

Брокер және дилер — айырмашылығы неде?

Жаңа бастаушы инвестор «брокер» ұғымымен қатар «дилер» терминін де жиі кездестіруі мүмкін.

Дилер де бағалы қағаздар саудасына қатысады. Бірақ мәмілелерді өз атынан және өз ақшасына жасайды. Дилер акциялардың немесе басқа да биржалық активтердің баға белгіленімін қолдайды, сатып алу және сату өтінімін бір уақытта қояды. Оның кірісі – осы өтінімдер бағаларының арасындағы шағын айырмашылық.

Қарапайым тілмен түсіндірейік:  валюта айырбастау пунктін дилер деп есептейік. Айырбастау пункті долларды 412 теңгеге сатып алып, 414 теңгеге сатса, ол дилер ретінде әрекет етеді. «Айырма» деп аталатын сол айырмашылықты ұстап қалады.

Демек, сіз биржадағы кейбір мәмілелерде акцияларды өз брокері арқылы сататын басқа инвесторлардан сатып аласыз. Ал басқа мәмілелерде сатушы ретінде дилер болуы мүмкін.

Freedom – брокер

Freedom Broker инвестициялық компаниясы – дәл сол биржалық брокер. Бізбен бірге ең ірі компаниялардың бизнесіне инвестициялай аласыз:

• Қазақстан қор биржасы (KASE);
• АХҚЕ (AIX) биржасы;
• NYSE, NASDAQ және AMEX америкалық қор биржалары;
• MOEX және SPbEX ресейлік қор биржалары;
• Лондон қор биржасы (LSE);
• Украина биржасы (UEX);
• «Тошкент» (UZSE) республикалық қор биржасы;
• Және басқа да нарықтар.

Біз өз клиенттерімізбен сапалы аналитикамен және кірісті ұсынымдармен тегін бөлісеміз. Freedom Finance аналитиктері Bloomberg қаржы порталының рэнкингінде жетекші орындарға ие. 2020 жылы сарапшылар Global Banking and Finance Review журналы берген «Орталық Азияның үздік зерттеуші фирмасы» атты марапатын иеленді.

Біз әрбір клиентімізге барлығын түсіндіретін жеке инвестициялық консультантты тағайындаймыз. Одан бөлек, жаңадан бастаушы және жетік меңгерген инвесторлар үшін оқыту курстарын өткіземіз.

Компанияның Қазақстанда ҚР Ұлттық Банкі және «Астана» халықаралық қаржы орталығы берген лицензиялары бар.

Freedom Broker – KASE және жеті елдің көптеген биржасының ресми мүшесі .

Компания Freedom Holding Corp халықаралық тобына кіреді. Холдинг америкалық стандарттар бойынша қатаң аудиттен өтеді және АҚШ-тың бағалы қағаздар және биржалар жөніндегі комиссиясының алдында жария есеп береді.

Енді сіз брокердің кім екенін білесіз. Сенімді биржалық серіктесті таңдап, бағалы қағаздар нарығында табыс табыңыз!