Freedom компаниялар тобы Орал қаласында ботаникалық бақ пен спорт кешенінің құрылысын қаржыландырады

2022 жылғы 18 қараша

Freedom компаниялар тобының қаржыландыруымен Орал қаласында бірден екі әлеуметтік бағдарланған қалалық объекті пайда болады

Freedom компаниялар тобы және Батыс Қазақстан облысының әкімдігі «Қуатты өңірлер - ел дамуының драйвері» ұлттық бағдарламасының шеңберінде Батыс Қазақстан облысында мүмкіндігі шектеулі жандар үшін ботаникалық бақ пен спорт кешенін салу жобаларын қаржыландыру жөніндегі меморандумға қол қойды.

Freedom компаниялар тобы осы жобаларды 1,9 млрд теңгеге қаржыландыруды өз мойнына алады.

Заманауи спорт кешені волейбол, баскетбол, шағын футбол, күрес және спорттың басқа да түрлерімен айналысуға қажетті барлық заттармен жабдықталады. Бұдан басқа, кешенде медициналық кабинет, лифтілер, душ қабылдау аймақтары және басқа да ыңғайлы заттармен көзделетін болады. 

Жобаны тапсыру мерзімі 2023-2024 жылдар

Өз кезегінде ботаникалық бақ Орал қаласының Шолохов пен Есенжанов көшелері қиылысқан көрікті әрі экологиялық таза ауданындағы 13 га алаңда орналасады деп болжануда.  Жобаға сәйкес бақ аумағында қоғамдық демалыс аймағы, су өсімдіктерінің кені, алма мен мамыргүл аллеялары, қылқан жапырақты ағаштар аймағы, самалжайлар және шығыс стиліндегі композициялар, жылыжай, ұлттық тағамдар мейрамханасы болады.

Жобаның бастамашысы сұрып сынаушы бағбан, «С.И.Исаевты еске алуға арналған Халықаралық эксперименттік коллекциялық тәлімбақ-бағы» басшысы Қайрат Кәрімов.
Қазіргі уақытта жер телімі бөлініп, аумақты қоршау, жер жырту және болашақ бақ үшін материал отырғызу жұмыстары басталды.  

Жобаны іске асыру 2023-2024 жылдарға жоспарланған

Тимур Турлов, Freedom Holding Corp. Бас атқарушы директоры:
«Біздің еліміздің алдында қазір шешуге тиіс көптеген міндеттер тұр. Президент қазір қосымша әлеуметтік шығындарға белсенді түрде бастама жасауда. Мемлекет бұл бағытта көп жұмыс атқаруда, үлкен бюджеттер бөледі, бірақ біз де ірі бизнестің өкілдері ретінде халық алдында өз жауапкершілігімізді сезінеміз. Сондықтан да, Батыс Қазақстан облысының әкімімен танысу барысында білген керемет бастамаларды қолдау мен үшін маңызды болды. Ең алдымен, бұл жобаларды жергілікті кәсіпкерлер мен өңір басшысының мұқият пысықтап, қолдағандары қуантады. Бұл қадам Қазақстанның барлық кәсіпкерлік қоғамдастығы үшін дұрыс белгі болады деген сенімдемін. "Жұмыла көтерген жүк - жеңіл" демекші, біз бірлесіп жұмсайтын күш-жігеріміздің арқасында балаларымыз өмір сүруді армандайтын елдің іргесін қалап, өзіміз де лайықты өмір сүре аламыз деген сенімдімін».

Ғали Есқалиев, Батыс Қазақстан облысының әкімі:
«Ірі бизнестің өңірлерді қолдауы бұл тек игі бастама ғана емес, сондай-ақ маңызды экономикалық әрі әлеуметтік құрамдас бөлік. Сол үшін де, Тимур Турловқа біздің ұсынысымызды қабыл алып, облысымызда ботаникалық бақ жасау әрі спорт кешенін салу сияқты екі ірі жобаны құруға көмектескені үшін алғыс айтқым келеді. Жоспарланған жобалар экологиялық жағдайды жақсарту мен жасыл желектер санын ұлғайтуға да, сондай-ақ ерекше қажеттіліктері бар тұрғындар үшін спорттық инфрақұрылымды дамытуға да айтарлықтай әсер етеді деген сенімдемін».

Анықтамалық ақпарат:

Freedom Holding Corp. бұл – өзінің еншілес компаниялары арқылы қаржылық қызметті, бөлшек брокерлік операцияларды, инвестициялық банктік, андеррайтингтік және сақтандыру қызметтерін жүзеге асыратын холдинг. Ұйым KASE, UZSE, UX, AIX биржаларына кәсіби қатысушы болып табылады. Бас офис Қазақстанда Алматы қаласында орналасқан. Компанияның Украинада, Өзбекстанда, Қырғызстанда, Әзірбайжанда, Арменияда, Ұлыбританияда, Грекияда, Испанияда, Францияда, Германияда, Біріккен Араб Әмірліктерінде және Кипрде бөлшек сауда филиалдары бар. Холдингтің жай акциялары NASDAQ Capital Market-те саудаланады. 

Фахрутдинова Рамина - «Фридом Финанс» АҚ PR бойынша директорлар Кеңесі Төрағасының Кеңесшісі 
E-mail: [email protected]; [email protected]
Тел.: +7 (727) 311 10 64, ішкі нөмірі 640.