Freedom компаниялар тобы Sergek Group компаниясына инвестициялады

2022 жылғы 20 желтоқсан

Freedom компаниялар тобы Sergek Group акционерлерінің құрамына 35% мөлшеріндегі үлеспен кіруді жоспарлап отыр. Мәміле Sergek Group компаниясының тарапынан кейінге қалдыру талаптары орындалғаннан кейін аяқталады. Компанияның негізін қалаушылар - Қайрат пен Әсет Ахметовтар оның мажоритарлы акционерлері болып қала береді.

Бүгінгі таңда «Сергек» Қазақстан Республикасындағы жолдардағы қауіпсіздікті қамтамасыз етуге және экологияны жақсартуға бағытталған жетекші технологиялық жобалардың бірі болып табылады.

Тимур Турлов, Freedom Holding Corp. бас атқарушы директоры:
«Freedom тобының «Sergek Group»-қа инвестор ретінде кіруі қазақстандық IT-саламен өзара іс-қимылды кеңейту стратегиясының жалғасы болып табылады. Мұндай жағдайда Sergek Group-тың Big Data-мен жұмыс істеу тәжірибесі бізге автосақтандыру саласында да, сондай-ақ автокредит беру саласында да неғұрлым сапалы шешімдер қабылдауға мүмкіндік береді. Сондықтан да біз бұл жобаны біздің цифрлық экожүйеміздің органикалық бөлігі ретінде қарастырамыз. Сонымен қатар, ірі бизнес өкілдері ретінде біз қазақстандықтардың алдындағы әлеуметтік жауапкершілігімізді түсінеміз және Vision Zero форматындағы азаматтық бастаманы қолдаймыз. Шын мәнінде, біз мемлекеттік органдардың, сараптамалық қоғамдастықтың және азаматтық белсенділердің өзара іс-қимылы бойынша ұйымдастырушы және платформа ретінде әрекет еткіміз келеді».

Sergek Group озық қалалар (Smart City) саласындағы әзірлемелермен, оның ішінде «Сергек» зияткерлік қоғамдық және жол қауіпсіздігі жүйесімен аса танымал. Оның тиімділігі әкімшілік және қылмыстық істерді ашу және ЖКО-да өлім-жітімді азайту көрсеткіштерінде тікелей көрсетілген. Мәселен, 2017 жылдан бері тек Астана қаласының өзінде жол-көлік оқиғаларында өлім-жітімнің 40-50% - ға дейін азайғаны және қоғамдық орындарда қылмыстың 70%-ға дейін азайғаны байқалады. 

Қайрат Ахметов, Sergek Group компаниялар тобының негізін құрушылардың бірі:
"Жасалған мәміле ағымдағы бизнесті әртараптандыруға мүмкіндік береді. Бізді жобалар мен өнімдердің күшейуі, дамуы және B2B нарығы үшін жаңа технологиялардың құрылуы күтіп тұр. Сонымен қатар, топтың бар назарын Smart City шеңберінде қоғамдық қауіпсіздік, көлік және экология сияқты бағыттарда кеңейтуді жоспарлап отырмыз.  Біздің өнімдеріміздің ішінде бүгінде Big Data көмегімен көлік ағындарын талдауға, оңтайландыруға және қоршаған ортаның ластану көздерін анықтауға мүмкіндік беретін жол қауіпсіздігін арттыратын технологиялар бар, әрі соңғы алты айда біз Қазақстан нарығында ғана емес, сондай-ақ алыс және жақын шет елдерде де оларға деген сұраныстың бар екенін көрдік. Біз компанияның орналасқан географиясын кеңейту және оны сыртқы нарықтарға шығару арқылы жаңа жобалармен және өнімдермен жұмыс істейміз, сонымен қатар, қазақстандықтар үшін жұмыс орындарын ашамыз. Жасалған мәміле қазірдің өзінде шабыттандыратын нәтижелер беріп, біздің ұзақ мерзімді дамуымызға сенімділік ұялатады».


Анықтамалық ақпарат:

Freedom Holding Corp. – өзінің еншілес компаниялары арқылы қаржылық қызметті, бөлшек брокерлік операцияларды, инвестициялық-банктік, андеррайтингтік және сақтандыру қызметтерін жүзеге асыратын холдинг. Ұйым KASE, AIX, UZSE, UX биржаларында кәсіби қатысушы болып табылады. 

Сергек – қазақстандық мамандар әзірлеген қоғамдық және жол қауіпсіздігінің зияткерлік жүйесі. Қазіргі уақытта "Сергек" жобалары Астана, Өскемен, Алматы, Атырау, Шымкент, Семей, Тараз және Түркістан қалаларында табысты жұмыс істеуде. Әзірленген технологиялардың басты міндеті-қалалардың жолдарындағы ЖКО-да өлім-жітімді азайту ғана емес, сонымен қатар полицейлерге әкімшілік және қылмыстық қоғамдық орындарда жасалған қылмыстарды ашуға көмектесу.

БАҚ үшін байланыстар:
Фахрутдинова Рамина - «Фридом Финанс» АҚ PR бойынша директорлар Кеңесі Төрағасының Кеңесшісі 
E-mail: [email protected]; [email protected]
Тел.: +7 (727) 311 10 64, ішкі нөмірі 640.