«Фридом Финанс» АҚ «Елімай» футбол клубына қаржылай қолдау көрсетеді

Алматы, Қазақстан, 2023 жылғы 26 сәуір

«Фридом Финанс» АҚ жарыстарды ұйымдастыруды жақсарту, түрлі деңгейдегі жарыстарда сәтті өнер көрсету үшін қолайлы жағдайлар туғызу мақсатында Семей қаласында жұмыс істейтін «Елімай» футбол клубына қаржылай қолдау көрсетеді. 

Демеушілік көмек ретінде «Спартак» стадионында соңғы үлгідегі итальяндық жасанды көгал төселді және өлшемі 15х3.84 метр электрондық табло (сыртқы LED экранды) орнатылды. 

Сергей Лукьянов, «Фридом Финанс» АҚ-ның Басқарма төрағасы: 

«Біз еліміздегі спорттың дамуына көп көңіл бөлеміз және бағыттардың бірі спорттың ең халықтық түрі атағын лайықты иеленіп жүрген футболды қолдау болып табылады.  Семей қаласының футбол  клубтары әрдайым жоғары кәсіпқойлығымен ерекшеленеді және біріншіліктерде үздік нәтижелер көрсетуде, бұл тым кездейсоқ емес, дәл осы қала заң бойынша қазақстандық футболдың отаны болып есептеледі. Біздің серіктестігіміз тек команданың дамуына ғана емес, сондай-ақ өңірде футболға қызығушылықтың артуына септігін тигізетініне, клубтың материалдық-техникалық базасының күшеюінің арқасында жарыстарды биік деңгейде өткізуге мүмкіндік беретініне сенімдімін». 

Спортты қолдау Freedom тобының жауапты инвестициялауға және БҰҰ-ның Орнықты даму мақсаттарын Қазақстанда жүзеге асыруға үлесі болып табылатынын атап көрсеткен ләзім.  

Еске сала кетейік, өткен жылы  Қазақстан футбол федерациясының президенті Әділет Барменқұлов пен «Фридом Финанс» АҚ Директорлар кеңесінің төрағасы Тимур Турлов ынтымақтастық туралы меморандумға қол қойды. Серіктестік балалар-жасөспірімдер және бұқаралық футболды, сондай-ақ футбол инфрақұрылымын дамытуға бағытталған. Одан бөлек, меморандум жаттығулар мен әуесқой футболдан жарыстар өткізу үшін өңірлерде футбол алаңдарын салу аясындағы ынтымақтастықты көздейді. 2023 жылғы наурыз айының басында Freedom Holding Corp.  QJ League жасөспірімдер футбол лигасының бас серіктесі әрі демеушісі болды.  

Анықтама үшін: 

«Фридом Финанс» АҚ  өз клиенттеріне KASE-те және AIX-те брокерлік қызмет көрсетуді, бағалы қағаздардың баға белгіленімдерін қолдау, қарыз және үлестік қаржыландыруды ұйымдастыру бойынша маркетмейкердің қызметтерін, сондай-ақ, қаржылық консалтинг саласындағы қызметтерді ұсынады. Компания Freedom Holding Corp. халықаралық инвестициялық тобына кіреді. Холдингтің акциялары Nasdaq Capital Market-те FRHC тикерімен орналастырылған (15.10.2019 ж.). Freedom Holding Corp. қызметі Бағалы қағаздар мен биржалар жөніндегі Комиссиямен (SEC, АҚШ) реттеледі.

Аты аңызға айналған «Елімай» ФК тарихы қазақстандық футболдың отаны Семей қаласында 1994 жылы басталды. Алғашқы жылдың өзінде жаңа команда тарихында алғаш рет Қазақстан чемпионы болды. Ішкі чемпионаттағы табыстан бөлек, команда Азия чемпиондары Кубогында өнер көрсету құқығына қол жеткізе алды. Бұл біріншілікте «Елімай» осы жарыстың екінші кезеңіне шыға алатын Қазақстаннан келген алғашқы клуб болды. «Елімай» қазіргі заманғы Қазақстанның бірегей жетістікке – үш дүркін чемпиондыққа жеткен алғашқы футбол клубы болып табылады. Клуб кейіннен таяу және алыс шетелдерде өнер көрсеткен көптеген футболшыларды тәрбиелеп, алдағы өміріне жолдама берді. Аты аңызға айналған «Елімай» 2022 ж. жазда қайта жаңарды, өз алаңындағы жарыстарды «Спартак» стадионында өткізеді. 2023 ж. сәуір айында, маусымның басталар алдында, Абай облысының әкімі Нұрлан Ұранхаевтың көзінше ардагерлердің, жанкүйерлер мен жұлдызды қонақтардың қатысуымен клубтың кең ауқымды таныстырылымы өтті. Бүгінгі күні клубты Семей  футболының аты аңызға айналған шәкірті,  ең атақты қазақстандық футболшы Самат Смақов басқарады. Одан бөлек, клубтың негізгі өтінімінде Семей футболының 8 шәкірті бар. 2023 жылғы 14 сәуірде «Елімай» қайта жаңарғаннан кейін өз алаңында өзінің алғашқы ресми жарысын өткізді. Бұл жарысқа 6000-нан астам көрермен қатысты.

БАҚ үшін байланыстар:

Фахрутдинова Рамина - «Фридом Финанс» АҚ PR бойынша директорлар Кеңесі Төрағасының Кеңесшісі 
E-mail: [email protected]