«Фридом Финанс» АҚ әйелдер кәсіпкерлігін қолдау мақсатында ESG- облигацияларын орналастыруды жүргізді

2023 жылғы 2 маусым, Алматы

«Фридом Финанс» АҚ «Қазақстан қор биржасы» АҚ (KASE) алаңында 6,3 млрд теңге мөлшерінде «ОнлайнКазФинанс» МҚҰ» АҚ (Solva) екі жылдық гендерлік облигацияларын жылдық 21,5% өтеу кірістілігімен орналастырды.

Бұл облигацияларды орналастырудан түскен қаражат бизнестегі әйелдердің мүмкіндіктерін кеңейту және гендерлік теңсіздікті азайту мақсатында оларды белсенді қолдауға бағытталатын болады.

 Облигациялардың шығарылым көлемі 20 млрд теңгені құрайды. Купондық сыйақы ай сайын төленеді және USD/KZT бағамының өзгеруіне индекстелінеді. Бұл ретте купонның ең төменгі мөлшерлемесі 21%-ды, ең жоғарғысы жылдық 25%-ды құрайды. Облигациялар KASE ресми тізіміне MFOKb11 сауда кодымен енгізілген.
KASE-де жүргізіліп жатқан жазылу аясында инвесторларға жалпы номиналды құны 5 млрд теңге болатын облигациялар ұсынылды. Орналастыру барысында 6,3 млрд теңге сомасына 381 өтінім берілді. Сонымен, сұраныс орналастыруға ұсынылған облигациялар көлемнің 126% құрады. Эмитент барлық қабылданған өтінімдерді қанағаттандыру туралы шешім қабылдады. Орналастырылған облигациялардың жалпы көлеміндегі жеке тұлғалардың үлесі 100%-ды құрады.
Freedom Broker клиенттері «ОнлайнКазФинанс»МҚҰ» АҚ облигацияларына тағы да үлкен қызығушылық танытты және олардың орналастырылған облигациялардың жалпы көлеміндегі үлесі 100%-ды құрады.

Сергей Лукьянов, «Фридом Финанс» АҚ басқарма төрағасы:
«Соңғы жылдары тұрақты облигацияларды шығару көлемінің тұрақты өсу үрдісі байқалады. «ОнлайнКазФинанс» МҚҰ» АҚ Қазақстандағы бірегей ESG- облигацияларын шығарған алғашқы микроқаржы ұйымы болды. Сонымен қатар, жауапты инвестициялау біздің компаниямыздың басым бағыттарының бірі болып табылады. 2023–2027 жылдары Freedom Holding Corp. құрамына кіретін «Фридом Финанс» АҚ халықаралық және ұлттық деңгейде ESG облигацияларына 200 миллиард теңге сомасына инвестициялауды мақсат етіп отыр. Мұндай гендерлік қағаздарды орналастырудың әлеуметтік маңызы зор. Бірлесе отырып, біз әйелдердің кәсіпкерлігін дамытуға үлес қоса аламыз. Статистикаға сәйкес, еліміздегі шағын және орта бизнестің тең жартысын әйелдер басқарады. Дегенмен, оларға кәсіпорындарды дамыту үдерісінде, оларды кеңейтуде және әйел бизнес өкілдерін салалардың кең ауқымына тартуда қолдау қажет. ESG сипаттамаларына ие бұл мәміле қазіргі кезде банкке айналу процесінде тұрған «ОнлайнКазФинанс» МҚҰ» АҚ тұлғасында сенімді эмитенті бар табысты ынтымақтастығымыздың тағы бір мысалы болды».

«ОнлайнКазФинанс»МҚҰ» АҚ гендерлік облигацияларын сатып алған Freedom Broker бөлшек инвесторлардың бейнесі:

Ерлер – 65%, әйелдер – 25%.
Жасы:18–24 – 2%, 25–34 – 9%, 35–54 – 60%, 55+ – 29%.

Константин Барабанов, Solva Group ltd бас директоры:
«Инклюзивті қаржыландыру және әйелдер кәсіпкерлігін дамытуға септігін тигізу Solva компаниясының ESG стратегиясының белді элементі болып табылады. Біз жұмыс істейтін 60 мыңнан астам шағын және орта бизнес өкілдерінің 70%-ы Solva- ның қолдауымен өз бизнесін табысты дамытып жүрген кәсіпкер әйелдер екенін мақтан тұтамыз. Бір жыл бұрын біз «Әйел ісі» арнайы бағдарламасын іске қостық, оған Қазақстанның түрлі өңіріндегі мыңдаған әйелдер қатысып үлгерді. Solva жаңадан бастаған кәсіпкер әйелдерге де, сондай ақ ұзақ уақыт бойы бизнесте жүргендерге де қолдау көрсетеді. Біз тұрақты түрде оффлайн және онлайн тренингтер өткіземіз және қаржылық сауаттылық саласында кеңес береміз, бизнес көшбасшыларының шынайы қоғамдастығын құрамыз. Кепілді талап етпейтін цифрлық несие өніміміздің арқасында көптеген әйел кәсіпкерлер өз бизнесін дамыту жоспарларын іске асыру мүмкіндігіне ие болды. Біз бөлшек инвесторларымыздың тыс қалмай, импакт-инвестицияларға қызығушылық танытып жатқанын мақтан тұтамыз. Гендерлік облигацияларды сатып ала отырып, инвесторлар тек пайда тауып қана қоймай, сонымен қатар еліміздегі әйелдер кәсіпкерлігінің дамуына, халықтың жұмыспен қамтылуына және  табысының артуына тікелей септігін тигізеді».

Freedom Holding Corp. инвестициялық тобы әлеуметтік ортаны тұрақтандыруға бағытталған әлеуметтік және экологиялық жобаларды жан-жақты қолдау және қаржыландыру арқылы тұрақты дамуға өз үлесін белсенді түрде қосуда. Ұлттық ESG клубының мүшесі және «БҰҰ Жаһандық шарты» бастамасына қол қоюшы ретінде, компаниялар тобы өзекті әлеуметтік-экономикалық мәселелерді шешу арқылы мақсатқа жетуді көздейді. Сонымен бірге ауқымды цифрлық экожүйені құру, сондай-ақ инновациялық қаржылық технологияларды әзірлеу және енгізу қоршаған әлемге жағымсыз әсерді барынша азайтуға мүмкіндік береді. 


Анықтама:

«Фридом Финанс» АҚ өз клиенттеріне KASE және AIX-те брокерлік қызмет көрсетуді, бағалы қағаздардың баға белгілемелерін қолдау бойынша маркетмейкердің қызметін, қарыздық және үлестік қаржыландыруды ұйымдастыруды, қаржылық кеңес беру қызметтерін ұсынады. Компания Freedom Holding Corp. халықаралық инвестициялық тобына кіреді. 15.10.2019 жылдан бастап холдингтің акциялары FRHC тикерімен Nasdaq Capital Market-те орналастырылған. Freedom Holding Corp. қызметін Бағалы қағаздар және биржа комиссиясы (SEC, АҚШ) реттейді.

 «ОнлайнКазФинанс» МҚҰ» АҚ (Solva) Қазақстандағы қамтамасыз етілмеген банктік емес қаржыландыру нарығында көшбасшы болып табылады. Компания микро-, шағын және орта бизнес үшін цифрлық қаржылық шешімдерді ұсынады. Solva клиенттер мен серіктестерге күнделікті мақсаттарына жетуге көмектесе отырып, осылайша өзінің атауын іс жүзінде растай отырып (ағыл. solve - шешу) Қазақстан нарығында 2016 жылдан бері жұмыс істеп келеді. Соңғы екі жыл ішінде компания ҚР 58 мың кәсіпкеріне жалпы сомасы 69 млрд теңгеге қаржыландыруды ұсынды. Микроқаржылық қызметті жүзеге асыруға № 02.21.0004.М. лицензия Қазақстан Республикасы Қаржы нарығын реттеу және дамыту агенттігінің Алматы қаласындағы Өңірлік өкілдер басқармасымен 06.03.2023 ж. берілген. 

Фахрутдинова Рамина - «Фридом Финанс» АҚ PR бойынша директорлар Кеңесі Төрағасының Кеңесшісі 
E-mail: [email protected]