26.01.2024 09:05
Freedom Holding Corp. компаниясы Hindenburg Research фирмасының есебіндегі айыптауларды сыртқы тексерудің аяқталғаны туралы хабарлайды
2024 жылғы 26 қаңтар, Алматы қ.
Freedom Holding Corp. компаниясы (бұдан әрі – Компания) (Nasdaq: FRHC) Директорлар кеңесінің тәуелсіз мүшелерінің бастамасымен жүргізілген сыртқы тексерудің аяқталғаны туралы хабарлайды. Сыртқы тексеру қысқа сатумен айналысатын, Компанияның акцияларында қысқа позицияның барын жария еткен Hindenburg Research белсенді фирмасы жариялаған 2023 жылғы 15 тамыздағы есепте (бұдан әрі – «Гинденбург Есебі») Компанияға және оның бизнесіне қатысты тағылған көптеген айыптауларға қатысты болды. Гинденбург Есебі жарияланған алғашқы күндерінен бастап Компания айыптауларды негізсіз деп санады, ал Директорлар кеңесі Компанияға және оның бизнес-моделіне толық сенім білдірді. Алайда, Директорлар кеңесінің тәуелсіз мүшелері Freedom Holding Corp. компаниясының және оның акционерлерінің мүддесі үшін есепте жазылған айыптаулардың негізділігіне сыртқы тексеру жүргізу туралы шешім қабылдады.
Директорлар кеңесінің тәуелсіз мүшелері Morgan, Lewis & Bockius LLP заң фирмасын және Forensic Risk Alliance сот-бухгалтерлік фирмасын сыртқы тексеру жүргізу және қорытындылары бар баяндама дайындау үшін тартты. Тексеру шамамен төрт айға созылды және онда құжаттар мен деректерді қарау, Қазақстан мен Кипрдегі офистерге бару, деректерді талдау және тестілеу жұмыстары, сондай-ақ көптеген жоғары буын басшыларымен, Компания қызметкерлерімен және Компанияның бірқатар сыртқы консультанттарының және контрагенттерінің қызметкерлерімен онлайн және офлайн сұхбаттар қамтылды. Тексеру барысында айыптаулар объектісі болған Freedom Holding Corp. компаниясының негізгі операциялық еншілес компанияларына, сондай-ақ байланысты тарап – Freedom Securities Trading Inc. (бұдан әрі – FST Belize) компаниясына назар аударылды. Гинденбург Есебіндегі кейбір тұжырымдар ескірген, екіұшты немесе егжей-тегжейлі болмағандықтан оларды бағалау мүмкін болмады.
• Компанияның соңғы жылдардағы өсуі негізінен органикалық өсімге (соның ішінде клиенттер санының және клиенттердің тарапынан сауда-саттық көлемінің ұлғаюына), АҚШ-тың Бағалы қағаздар және биржалар жөніндегі комиссиясына ұсынылған Компанияның есептерінде сипатталғандай және оның аудиттелген қаржылық есептілігінде көрсетілгендей, бағалы қағаздар бойынша сауда жасаудан болатын сатып алуға, пайдаға және кірістерге байланысты болды. Өсу манипулятивті немесе өзге де заңсыз немесе дұрыс емес бизнес жүргізу әдістерінің нәтижесінде болған жоқ.
• Компания халықаралық және жергілікті санкцияларды, сондай-ақ ақшаны жылыстатуға қарсы күрес бойынша рәсімдерді, комплаенсты және саясатты қатаң сақтайды. Оларды оның бизнесі және комплаенс-бақылау қызметкерлері жүзеге асырады.
• Санкциялардан жалтарғаны немесе санкцияға ұшыраған олигархтармен өзара іс-қимыл жасалғаны туралы ешқандай дәлелдер табылған жоқ.
• Компанияның АҚШ-тан тыс жерде орналасқан кейбір еншілес компаниялары санкцияға ұшыраған белгілі бір банктермен және жеке тұлғалармен іскерлік қарым-қатынаста болса да (Компания жария еткен факт), бұл мәмілелер АҚШ-тағы, ЕО-дағы, Ұлыбританиядағы немесе басқа елдердегі елеулі санкциялармен байланысты болған жоқ.
• КЖ/ТҚҚ стандартты тексерулеріне жататын «Банк Фридом Финанс Қазақстан» АҚ-тың бөлшек банктік қызмет көрсетілетін кассасында қазіргі клиенттер енгізген қолма-қол ақшаны қоспағанда, клиенттердің шоттары криптовалютаның немесе қолма-қол ақшаның көмегімен қаржыландырылғаны туралы ешқандай дәлелдер табылған жоқ.
• Компанияның меншікті акциялар нарығына немесе өзінің активтеріне немесе Қазақстанның орнықтылық қорының облигацияларына қатысты айла-шарғы жасауға қатысқаны туралы ешқандай дәлелдер табылған жоқ.
• Компанияның Қазақстанның орнықтылық қорының облигацияларына салған салымдарының қазіргі уақытта мәлімделгендей, облигациялар бойынша кірістен асатын қаржыландыру құны бар. Бірақ олар болашақта пайыздық мөлшерлемелердің өзгеруі нәтижесінде табысты болады деп күтілетін ойластырылған және заңды сауда стратегиясында сақталады.
• Компания өзінің Кипрдағы еншілес компаниясы Freedom Finance Europe Limited және FST Belize арасындағы іскерлік қатынастарды, оның ішінде ақшаны жылыстатуға қарсы талаптар мен санкциялық режимдерді сақтауға қатысты саясатты, рәсімдерді және бақылау құралдарын ұстанады.
• Гинденбург Есебінде Компанияның FST Belize компаниясымен жалған немесе шамадан тыс кіріс алу мақсатында мәмілелерге қатысқаны туралы тұжырымдарды растайтын ешқандай дәлелдер табылған жоқ.
• Freedom Holding Corp. компаниясының бұрынғы ресейлік еншілес компаниялары заң жүзінде сатып алу-сату мәмілесі шеңберінде сатылды және осы сатудан кейін Компанияның немесе Бас атқарушы директоры Тимур Турловтың олардың қызметін одан әрі бақылағанын растайтын ешқандай дәлелдер жоқ.
• Компанияның брокерлік бағыттағы клиенттері АҚШ-та IPO барысында акцияларды бөлу үшін немесе АҚШ-та IPO барысында сатып алу бағдарламасына қатысу үшін Компанияның акцияларын қайталама нарықта IPO акцияларының бағасы бойынша немесе оған жақын бағамен сатып алуға міндетті емес еді.
Компания сыртқы тексеру нәтижелерін қабылдады, атап айтқанда, Freedom Holding Corp. компаниясында комплаенс және кірістерді жылыстатуға қарсы іс-қимыл бөлігінде іске асырылатын жаһандық және жергілікті рәсімдердің сенімділігі туралы қорытындыны мақұлдайды. Тиімді басқаруға және талаптарды сақтауға бейілділігі шеңберінде Компания сыртқы тексеру тобынан осы рәсімдерге, бақылаулар мен саясаттарға оларды тексеру негізінде енгізуге болатын жақсартуларды ұсынуды сұрады. Сыртқы тексеру тобы одан әрі жақсарту шараларын ұсынды және Компанияның Директорлар кеңесі осы ұсынымдарды қабылдады. Компанияның жоғары басшылығы, соның ішінде Комплаенс жөніндегі вице-президенті оларды іске асыруға кірісті.
Компанияның 2023 жылғы 31 наурызда аяқталған қаржылық жыл ішіндегі 10-K үлгісі бойынша жылдық есебі, соның ішінде ондағы аудиттелген қаржылық есептілік, сондай-ақ АҚШ-тың Бағалы қағаздар және биржалар жөніндегі комиссиясына берілетін басқа да есептер мен құжаттар Бағалы қағаздар және биржалар жөніндегі комиссияның веб-сайтында қол жетімді.
Болжамды сипаттағы тұжырым
Осы баспасөз релизінде болжамды сипаттағы тұжырымдар, соның ішінде, бұдан басқа, Компанияның бизнес-стратегиясына, болашақ өсуіне және комплаенс пен бақылау құралдарын одан әрі дамытуға қатысты мәлімдемелер қамтылады. Болжамды сипаттағы тұжырымдар көптеген жағдайларға байланысты, олардың көбі Компанияның бақылауынан тыс, соның ішінде, бұдан басқа 2023 жылғы 31 наурызда аяқталған қаржылық жыл ішіндегі 10-К үлгісі бойынша біздің жылдық есебімізде сипатталған тәуекелдер мен белгісіздіктер және АҚШ-тың Бағалы қағаздар және биржалар жөніндегі комиссиясының басқа есептері мен құжаттары. Бұл құжаттардың көшірмелері Бағалы қағаздар және биржалар жөніндегі комиссияның веб-сайтында (www.sec.gov) қол жетімді. Заңда көзделген жағдайларды қоспағанда, Компания бұл тұжырымдарды жарияланған күнінен кейін түзетулер немесе өзгерістер үшін жаңарту бойынша өзіне ешқандай міндеттеме алмайды.
Анықтама:
Freedom Holding Corp. компаниясы бұл – өзінің Freedom еншілес компаниялары арқылы қаржылық қызметті, бөлшек брокерлік операцияларды, инвестициялар мәселелері жөнінде консультация беруді, бағалы қағаздар бойынша сауда жасауды, инвестициялық-банктік және андеррайтингтік қызметтерді жүзеге асыратын холдинг. Бүгінгі таңда холдингтің жай акциялары Nasdaq Capital Market, KASE биржаларында саудаланады.
Morgan, Lewis & Bockius LLP – 1873 жылы құрылған америкалық заң фирмасы. Оның командасында Солтүстік Америкадан, Азиядан, Еуропадан және Таяу Шығыстан 2200-ден астам заңгер жұмыс істейді. Фирма Fortune 100 тізіміндегі әлемдегі ең ірі корпорациялардың мүдделерін білдіреді. Энергетика, қаржылық көрсетілетін қызметтер, денсаулық сақтау, бөлшек сауда және электрондық коммерция, спорт, технология және көлік сияқты жетекші салаларда кешенді корпоративтік, сот және нормативтік қызметтерді ұсынады.
Forensic Risk Alliance – озық технологияларды пайдалана отырып, криминалистикалық есепке алу, реттеу және тергеп-тексеру саласында мол тәжірибесі бар халықаралық консалтингтік компания. Оның бүкіл әлем бойынша 12 деректерді өңдеу орталығы бар. Компания алаяқтық, парақорлық, сыбайлас жемқорлық, қаржылық қылмыстар, санкциялар, ESG, аудит және бухгалтерлік есепті теріс пайдалану, сондай-ақ корпоративтік транзакциялар саласында талаптарды сақтау мәселелері бойынша сараптамалық білім береді.
БАҚ үшін байланыс деректері:
Рамина Фахрутдинова – «Фридом Финанс» АҚ Директорлар кеңесі Төрағасының PR жөніндегі кеңесшісі
E-mail: [email protected]
Freedom Holding Corp. компаниясы (бұдан әрі – Компания) (Nasdaq: FRHC) Директорлар кеңесінің тәуелсіз мүшелерінің бастамасымен жүргізілген сыртқы тексерудің аяқталғаны туралы хабарлайды. Сыртқы тексеру қысқа сатумен айналысатын, Компанияның акцияларында қысқа позицияның барын жария еткен Hindenburg Research белсенді фирмасы жариялаған 2023 жылғы 15 тамыздағы есепте (бұдан әрі – «Гинденбург Есебі») Компанияға және оның бизнесіне қатысты тағылған көптеген айыптауларға қатысты болды. Гинденбург Есебі жарияланған алғашқы күндерінен бастап Компания айыптауларды негізсіз деп санады, ал Директорлар кеңесі Компанияға және оның бизнес-моделіне толық сенім білдірді. Алайда, Директорлар кеңесінің тәуелсіз мүшелері Freedom Holding Corp. компаниясының және оның акционерлерінің мүддесі үшін есепте жазылған айыптаулардың негізділігіне сыртқы тексеру жүргізу туралы шешім қабылдады.
Директорлар кеңесінің тәуелсіз мүшелері Morgan, Lewis & Bockius LLP заң фирмасын және Forensic Risk Alliance сот-бухгалтерлік фирмасын сыртқы тексеру жүргізу және қорытындылары бар баяндама дайындау үшін тартты. Тексеру шамамен төрт айға созылды және онда құжаттар мен деректерді қарау, Қазақстан мен Кипрдегі офистерге бару, деректерді талдау және тестілеу жұмыстары, сондай-ақ көптеген жоғары буын басшыларымен, Компания қызметкерлерімен және Компанияның бірқатар сыртқы консультанттарының және контрагенттерінің қызметкерлерімен онлайн және офлайн сұхбаттар қамтылды. Тексеру барысында айыптаулар объектісі болған Freedom Holding Corp. компаниясының негізгі операциялық еншілес компанияларына, сондай-ақ байланысты тарап – Freedom Securities Trading Inc. (бұдан әрі – FST Belize) компаниясына назар аударылды. Гинденбург Есебіндегі кейбір тұжырымдар ескірген, екіұшты немесе егжей-тегжейлі болмағандықтан оларды бағалау мүмкін болмады.
Жалпы алғанда, сыртқы тексеруден белгілі болғандай, Гинденбург Есебіндегі тұжырымдар маңызды фактілерді ескермейді және дәлелдермен расталмайды. Атап айтқанда, тексеру нәтижелері мыналарды қамтыды:
• Компанияның соңғы жылдардағы өсуі негізінен органикалық өсімге (соның ішінде клиенттер санының және клиенттердің тарапынан сауда-саттық көлемінің ұлғаюына), АҚШ-тың Бағалы қағаздар және биржалар жөніндегі комиссиясына ұсынылған Компанияның есептерінде сипатталғандай және оның аудиттелген қаржылық есептілігінде көрсетілгендей, бағалы қағаздар бойынша сауда жасаудан болатын сатып алуға, пайдаға және кірістерге байланысты болды. Өсу манипулятивті немесе өзге де заңсыз немесе дұрыс емес бизнес жүргізу әдістерінің нәтижесінде болған жоқ.
• Компания халықаралық және жергілікті санкцияларды, сондай-ақ ақшаны жылыстатуға қарсы күрес бойынша рәсімдерді, комплаенсты және саясатты қатаң сақтайды. Оларды оның бизнесі және комплаенс-бақылау қызметкерлері жүзеге асырады.
• Санкциялардан жалтарғаны немесе санкцияға ұшыраған олигархтармен өзара іс-қимыл жасалғаны туралы ешқандай дәлелдер табылған жоқ.
• Компанияның АҚШ-тан тыс жерде орналасқан кейбір еншілес компаниялары санкцияға ұшыраған белгілі бір банктермен және жеке тұлғалармен іскерлік қарым-қатынаста болса да (Компания жария еткен факт), бұл мәмілелер АҚШ-тағы, ЕО-дағы, Ұлыбританиядағы немесе басқа елдердегі елеулі санкциялармен байланысты болған жоқ.
• КЖ/ТҚҚ стандартты тексерулеріне жататын «Банк Фридом Финанс Қазақстан» АҚ-тың бөлшек банктік қызмет көрсетілетін кассасында қазіргі клиенттер енгізген қолма-қол ақшаны қоспағанда, клиенттердің шоттары криптовалютаның немесе қолма-қол ақшаның көмегімен қаржыландырылғаны туралы ешқандай дәлелдер табылған жоқ.
• Компанияның меншікті акциялар нарығына немесе өзінің активтеріне немесе Қазақстанның орнықтылық қорының облигацияларына қатысты айла-шарғы жасауға қатысқаны туралы ешқандай дәлелдер табылған жоқ.
• Компанияның Қазақстанның орнықтылық қорының облигацияларына салған салымдарының қазіргі уақытта мәлімделгендей, облигациялар бойынша кірістен асатын қаржыландыру құны бар. Бірақ олар болашақта пайыздық мөлшерлемелердің өзгеруі нәтижесінде табысты болады деп күтілетін ойластырылған және заңды сауда стратегиясында сақталады.
• Компания өзінің Кипрдағы еншілес компаниясы Freedom Finance Europe Limited және FST Belize арасындағы іскерлік қатынастарды, оның ішінде ақшаны жылыстатуға қарсы талаптар мен санкциялық режимдерді сақтауға қатысты саясатты, рәсімдерді және бақылау құралдарын ұстанады.
• Гинденбург Есебінде Компанияның FST Belize компаниясымен жалған немесе шамадан тыс кіріс алу мақсатында мәмілелерге қатысқаны туралы тұжырымдарды растайтын ешқандай дәлелдер табылған жоқ.
• Freedom Holding Corp. компаниясының бұрынғы ресейлік еншілес компаниялары заң жүзінде сатып алу-сату мәмілесі шеңберінде сатылды және осы сатудан кейін Компанияның немесе Бас атқарушы директоры Тимур Турловтың олардың қызметін одан әрі бақылағанын растайтын ешқандай дәлелдер жоқ.
• Компанияның брокерлік бағыттағы клиенттері АҚШ-та IPO барысында акцияларды бөлу үшін немесе АҚШ-та IPO барысында сатып алу бағдарламасына қатысу үшін Компанияның акцияларын қайталама нарықта IPO акцияларының бағасы бойынша немесе оған жақын бағамен сатып алуға міндетті емес еді.
Компания сыртқы тексеру нәтижелерін қабылдады, атап айтқанда, Freedom Holding Corp. компаниясында комплаенс және кірістерді жылыстатуға қарсы іс-қимыл бөлігінде іске асырылатын жаһандық және жергілікті рәсімдердің сенімділігі туралы қорытындыны мақұлдайды. Тиімді басқаруға және талаптарды сақтауға бейілділігі шеңберінде Компания сыртқы тексеру тобынан осы рәсімдерге, бақылаулар мен саясаттарға оларды тексеру негізінде енгізуге болатын жақсартуларды ұсынуды сұрады. Сыртқы тексеру тобы одан әрі жақсарту шараларын ұсынды және Компанияның Директорлар кеңесі осы ұсынымдарды қабылдады. Компанияның жоғары басшылығы, соның ішінде Комплаенс жөніндегі вице-президенті оларды іске асыруға кірісті.
Компанияның 2023 жылғы 31 наурызда аяқталған қаржылық жыл ішіндегі 10-K үлгісі бойынша жылдық есебі, соның ішінде ондағы аудиттелген қаржылық есептілік, сондай-ақ АҚШ-тың Бағалы қағаздар және биржалар жөніндегі комиссиясына берілетін басқа да есептер мен құжаттар Бағалы қағаздар және биржалар жөніндегі комиссияның веб-сайтында қол жетімді.
Болжамды сипаттағы тұжырым
Осы баспасөз релизінде болжамды сипаттағы тұжырымдар, соның ішінде, бұдан басқа, Компанияның бизнес-стратегиясына, болашақ өсуіне және комплаенс пен бақылау құралдарын одан әрі дамытуға қатысты мәлімдемелер қамтылады. Болжамды сипаттағы тұжырымдар көптеген жағдайларға байланысты, олардың көбі Компанияның бақылауынан тыс, соның ішінде, бұдан басқа 2023 жылғы 31 наурызда аяқталған қаржылық жыл ішіндегі 10-К үлгісі бойынша біздің жылдық есебімізде сипатталған тәуекелдер мен белгісіздіктер және АҚШ-тың Бағалы қағаздар және биржалар жөніндегі комиссиясының басқа есептері мен құжаттары. Бұл құжаттардың көшірмелері Бағалы қағаздар және биржалар жөніндегі комиссияның веб-сайтында (www.sec.gov) қол жетімді. Заңда көзделген жағдайларды қоспағанда, Компания бұл тұжырымдарды жарияланған күнінен кейін түзетулер немесе өзгерістер үшін жаңарту бойынша өзіне ешқандай міндеттеме алмайды.
Анықтама:
Freedom Holding Corp. компаниясы бұл – өзінің Freedom еншілес компаниялары арқылы қаржылық қызметті, бөлшек брокерлік операцияларды, инвестициялар мәселелері жөнінде консультация беруді, бағалы қағаздар бойынша сауда жасауды, инвестициялық-банктік және андеррайтингтік қызметтерді жүзеге асыратын холдинг. Бүгінгі таңда холдингтің жай акциялары Nasdaq Capital Market, KASE биржаларында саудаланады.
Morgan, Lewis & Bockius LLP – 1873 жылы құрылған америкалық заң фирмасы. Оның командасында Солтүстік Америкадан, Азиядан, Еуропадан және Таяу Шығыстан 2200-ден астам заңгер жұмыс істейді. Фирма Fortune 100 тізіміндегі әлемдегі ең ірі корпорациялардың мүдделерін білдіреді. Энергетика, қаржылық көрсетілетін қызметтер, денсаулық сақтау, бөлшек сауда және электрондық коммерция, спорт, технология және көлік сияқты жетекші салаларда кешенді корпоративтік, сот және нормативтік қызметтерді ұсынады.
Forensic Risk Alliance – озық технологияларды пайдалана отырып, криминалистикалық есепке алу, реттеу және тергеп-тексеру саласында мол тәжірибесі бар халықаралық консалтингтік компания. Оның бүкіл әлем бойынша 12 деректерді өңдеу орталығы бар. Компания алаяқтық, парақорлық, сыбайлас жемқорлық, қаржылық қылмыстар, санкциялар, ESG, аудит және бухгалтерлік есепті теріс пайдалану, сондай-ақ корпоративтік транзакциялар саласында талаптарды сақтау мәселелері бойынша сараптамалық білім береді.
БАҚ үшін байланыс деректері:
Рамина Фахрутдинова – «Фридом Финанс» АҚ Директорлар кеңесі Төрағасының PR жөніндегі кеңесшісі
E-mail: [email protected]