China Evergrande холдингі 300 млрд АҚШ доллары мөлшеріндегі борышпен таратылмақшы

Гонконг соты жылжымайтын мүлік алпауыты China Evergrande Group холдингін таратуға өкім берді. Мұндай қадам Қытайдың құлдырап бара жатқан қаржы нарықтарында дағдарыс тудыруы мүмкін.

Судья Линда Чан 300 млн АҚШ доллары мөлшерінде әлемде ең үлкен борышы бар құрылыс компаниясын тарату туралы шешім қабылдады. Evergrande облигацияларды төлеу дефолтынан кейін және бірнеше сот отырыстарынан кейін екі жыл ішінде нақты қайта құрылымдау жоспарын ұсына алмады.

Evergrande холдингінің атқарушы директоры Сиу Шон Қытай БАҚ-қа компания тарату туралы бұйрыққа қарамастан үй салу жобаларының бұрынғысынша іске асырылатынына кепілдік беретіні туралы айтты. Сондай-ақ Сиу Шон бұйрықтың Evergrande холдингінің құрлық және теңіз бөлімшелерінің жұмысына әсер етпейтінін атап өтті.

Билік процесіне белсенді түрде қатысуды ескере отырып, тарату саяси сипатта болады. Офшорлық инвесторлар қазір компанияда күйреу болған кезде Қытай билігінің шетелдік кредиторларға қалай қарайтынына назар аударуда. Жалпы алғанда бұл елдің инвестициялық ахуалына әсер етеді.

Evergrande холдингі активтерінің басым бөлігі Қытайдың құрлық бөлігінде орналасқан, сол үшін де кредиторлардың активтерді қалай тәркілейтіні және офшорлық облигациялардың қалай өтелетіні туралы белгісіздік тудырып отыр, ахуал акционерлер үшін қиын болуы мүмкін. Үкім шыққан кейін девелопердің және оның еншілес компанияларының акцияларымен сауда жасау тоқтатылған болатын. 

Еске сала кетейік, Evergrande холдингі 2021 жылы өзінің борышы бойынша дефолт жариялады, компанияның 240 млрд АҚШ доллары мөлшерінде активтері бар. Evergrande холдингі дүйсенбі күні кезекті кейінге қалдыруға өтінім берді, себебі оның адвокаты аталған холдинг қайта құрылымдау туралы ұсыныста «біраз ілгерілеуге» қол жеткізгенін айтты. Құрылыс компаниясы кредиторларға өз борыштарын бүкіл акцияға айырбастауды ұсынды, аталған акцияларға компания Гонконгтағы өзінің екі бөлімшесінде иелік етеді. Evergrande холдингінің адвоткаты мәлімдегендей, тарату компанияның қызметіне, оның мүлікті және электрмобильдер өндіру жөніндегі бөлімшені басқаруына нұқсан келтіруі мүмкін, бұл өз кезегінде топтың барлық кредитормен есеп айырысу қабілетіне зиян келтіреді.

Evergrande холдингі Deloitte компаниясының шілде айында Гонконг сотында тыңдау кезіндегі талдауына сілтеме жасады, ол құрылыс компаниясы таратылған жағдайда өтемақы деңгейін 3,4% деп бағалады. Evergrande қыркүйек айында оның флагмандық бөлімшесі мен оның төрағасы Хуэй Ка Янь биліктің тергеуінде екенін мәлімдегеннен кейін, кредиторлар енді өтемақы деңгейі 3%-дан аз болады деп күтеді.