Freedom Holding Corp. «IQanat High School of Burabay» мектебін қайта салу мен кеңейтуді қолдады

Жуырда Freedom Holding Corp. компаниясының Бас атқарушы директоры Тимур Турлов Ақмола облысының әкімі Марат Ахметжановпен және IQanat қамқоршыларымен бірлесіп Бурабайда IQanat мектебінің жаңа корпусының ашылуына қатысты.

Freedom House деп аталатын ауданы 2500 шаршы метр болатын көпфункционалды кешенде планетарий, амфитеатр, дыбыс жазу студиясы, IT және STEM зертханалары, кітапхана, жаттығу және фитнес залдары, шахмат клубы, құмыра жасау және бейнелеу шеберханалары, коворкингтер бар.
Жаңа кампустың ашылуының арқасында жыл сайын Қазақстанның түкпір-түкпіріндегі ауылдық жерлерден 800-ге жуық дарынды бала IQanat мектебінде бірінші санатты білім алып, курстарға қатыса алады.

Тимур Турлов өз сөзінде өзінің жаңа корпусын алғаш рет көріп тұрған оқушыларға: «Еліміздің басты байлығы – адамдар. Бір адам көп дүние жасай алады, ал «жұмыла көтерген жүк - жеңіл» демекші, бәріміз бір кісідей шынымен маңызды дүниелерге қол жеткізе аламыз. Біздің еліміздің болашағы сіз бен біздің қаншалықты білімді болатынымызға және елге деген махаббатымызды сөзбен емес, іспен дәлелдейтінімізге тікелей байланысты.
Қазір осында оқып жатқан балалар біздің елімізді жақсы жаққа өзгерте алады. Олардың көбі бизнесте, ғылымда, мемлекеттік басқаруда, өнерде, спортта жетістікке жете алатынына сенімдімін. Ал мұнда алынған білімдері белгілі бір өлшемшартқа айналып қана қоймай, сондай-ақ теңсіздік мәселесін шешуге елеулі үлес қосады», – деп атап өтті.

Айта кетейік, Тимур Турлов 2019 жылдан бері IQanat жобасының қамқоршысы.

БАҚ үшін байланыс деректері: 

Рамина Фахрутдинова – «Фридом Финанс» АҚ Директорлар кеңесі Төрағасының PR жөніндегі кеңесшісі
E-mail: [email protected]