Freeport McMoRan

Бизнес шолуы

Freeport – бүкіл әлемдегі активтер қоржыны сан алуан әлемдегі мыстың жария саудалайтын ірі өндірушісі. Компания кенді өндіруден бастап бастапқы металлдарды тазартумен аяқтай отырып, өз кәсіпорындарының вертикалды интеграциялануынан ұтады. Компанияның құнын бағалау келешекте мысқа сұраныс ұсыныстан асып түседі, бұл өз кезегінде мыстың бағасының өсуіне әкеледі деген болжамға негізделген.

Мыс - келешектің  металлы: мыс  электр сымдар жүйесі мен тұрмыстық техникадан бастап инфрақұрылымға дейінгінің бәрінде қолданылады, әрі оған деген сұраныс бүкіл әлемде тұрмыс деңгейінің артуымен (Батыстың орташа статистикалық тұрғынына әлемдегі орташа 60 кг-мен салыстырғанда 200-250 кг мыс қажет), көлікті электрлендірумен (болжамға қарағанда,  2050 жылға қарай  EV-дің үлесі 40%-тен астамды құрайды), сондай-ақ 5G желілерін, IoT, ақпарат орталықтары мен мыстың орасан көлемін қажет ететін кез келген технологияларды ендірумен айтарлықтай өсе түсіп отыр. 

Саладағы басым жағдайы: Freeport металлургия және тау кен өндіру өнеркәсібіндегі ең ірі өндірушілердің бірі болып табылады және 1) ауқымды үнемдеу 2) баға белгіленімінде бәсекелесу және 3) көлбеу интеграциялау үшін жеткілікті қуатқа ие. Тиімді орналасуының арқасында компания мысты салыстырмалы түрде арзан – бір фунтын $1,5 бағамен өндіре алады, бұл әлемдік мыс өндірушілері арасында 90-дық перцентильге сәйкес келеді. Алайда, әлемде шығындардың өсуіне қарамастан, Индонезиядағы зауыт бір фунты үшін $0,44 бағамен мақтана алады, бұл ұзақ мерзімді келешекте компанияның  EBITDA маржасын ұлғайтуға мүмкіндік береді. 

Резервтік базаны кеңейту: жалпы дәлелденген және ықтимал қорлар ақша ағындарының негізгі ұзақ мерзімді драйвері болып табылады. Freeport-тың жаңа кен орындарын ашу, қорлардың немесе активтерді сатып алудың ағымдағы бағалауларын қайта қарау нәтижесінде өзінің резервтік базасын ұлғайта алуы толықтай ықтимал. Компания геологиялық барлау жұмыстарын жүргізеді және бұрғылау аяқталғаннан кейін активтер базасын жиі ұлғайтады. Одан бөлек, Grasberg кен орнына концессия бейорганикалық өсімде мыс активтерін сатып алу үшін көптеген тиімді мүмкіндіктерді ашады.

Шикізат базасын әртараптандыру: мыстың үлесіне сатылымдардың жалпы көлемінің ~85%-нің тиетініне қарамастан, алтын мен молибден мыс кендерінің жанында жиі кездесетін шикізат тауарлары болып табылады. Егер әлемдік көрсеткіштерге сүйенсек, мыс кендерінің 30%-тен астамының құрамында алтын мен молибденнің аздаған көлемі болады Индонезиялық активтер алтынмен өте бай, сондықтан, біздің бағалауымызша, соңғы жылдары алтынның сатылымдары жалпы түсімнің 20%-не дейін құрауы мүмкін. Оған қоса, молибденнің де, алтынның  да бағасы айтарлықтай өсіп отыр, ал біздің моделіміздегі екі металлдың бағалары туралы болжамдар тым консервативті болып табылады.

Нысаналы баға - $43, ұсыным – «сатып алыңыз».