ChatGPT жайында әңгіме: инвесторлар төңкеріс әкелген ЖС-құралында қалай табыс табады?
Авторы: Ансар Абуев, Freedom Finance Global талдаушысы
Оны серпіліс деп атайды, интернетті ойлап табумен және 2007 жылы алғашқы Apple iPhone-ның дебютімен салыстырады. Сөз технологиялық компаниялардың акциялары арасындағы өсудің болашағы бар жаңа триггері - ChatGPT жайында болып отыр.
Жуырда академиялық қоғамдастықтың ақпараттық кеңістігі үздік оқушылардың деңгейінде эссе жазуға қабілетті төңкеріс әкелген жаңа жасанды интеллект жайында хабарларға толы болды. Оқытушылар мұны білім беру жүйесінің қасіреті, БАҚ-ты – ақыл-ой саласының қызметкерлері үшін қауіп-қатер деп атады, ал Билл Гейтс америкалық OpenAI компаниясының ChatGPT әзірлемесін интернеттің өнертабысымен салыстырды. Алайда, болашақта біздің өмірімізді өзгерте алатын жаңа трендтерді зерттей отырып, олардың қазірдің өзінде қандай пайда әкелетінін қарастырған жөн.
OpenAI танымалдылығының өсуі
ChatGPT машиналық оқытуға негізделген және деректерді іздеу мен талдаудан, код жолдарын жазудан (тіпті зиянды), математика бойынша репетиторлықтан және туған күнді тойлауға арналған шығармашылық идеяларды ұсынуға дейінгі тақырыптар мен функциялардың кең ауқымын қамтуға қабілетті жасанды интеллекті бар өзін-өзі оқытатын чат-бот ретінде ұсынылған. ЖИ негізіндегі мұндай құрал классикалық Google іздеу жүйесінің не оның көмекшісінің эволюциясының жаңа сатысы болуы мүмкін. Чат-боттың өзі оның болашағын шексіз деп атайды, бұл әртүрлі, оның ішінде білім, медицина, бизнес, ғылым және технология салаларында пайдалану мүмкіндіктерін көрсетеді. Бизнесте жасанды интеллектті қолдану коммерция (электронды және оффлайн) және жұмыста қолдануға арналған чиптер нарығы сияқты екі өзара байланысты бағытта жол ашады. Виртуалды консультанттардың қиын емес нұсқалары пайдаланушылардың жиі қоятын сұрақтарына жауап бере отырып, қазірдің өзінде Kcell және Beeline сияқты компанияларда «еңбектенеді». 2018 жылы жасанды интеллектті пайдаланатын Google Duplex телефон сервисінің тұсаукесерінен кейін колл-орталықтардың аясының шуылын имитациялайтын және қазақстандық компаниялардың атынан қарапайым сұрақтар қоятын қоңырау шалу бағдарламаларын кездестіруге болады.
Чат-бот әзірлеушілердің акциялары
ChatGPT чат-ботының айналасындағы танымалдық пен даурықпа технологиялық сектордағы инвесторлардың арасында жандануға түрткі болды. Озық чат-боттарды әзірлеу технологиясының бенефициарларының алдыңғы қатарында инвесторлардың өздерін OpenAI (ChatGPT әзірлеушісі) – Microsoft (NASDAQ: MSFT) және Google (NASDAQ: GOOGL) жобаларына бөлуге болады. Бұл компаниялар қазір «жасанды интеллект жарысын» жүргізуде, онда әзірге Microsoft сәл ғана көш бастап тұр. Компания қазірдің өзінде OpenAI-ге миллиардтаған долларлық инвестицияны ($10 млрд-қа дейін) және Bing іздеу жүйесі үшін жасанды интеллектінің енгізілгенін хабарлады. Бұл пайдаланушыға іздеу сұратуларына неғұрлым толық жауаптар алу үшін онымен байланысуға мүмкіндік береді. Microsoft корпорациясының бас директоры Сатя Наделла CNBC-ге берген сұхбатында ЖИ негізіндегі іздеуді компанияның 15 жыл бұрын бұлттық қызметтер пайда болғаннан бергі ең үлкен жетістігі деп санайтынын хабарлады.
2022 жылы іздеу жүйелері нарығының үлесі
Google-дің берген жауабы Bard деп аталатын ChatGPT аналогы болды, корпорация оны таныстыру кезінде чат-боттың көмегімен, мысалы, электромобиль сатып алудың артық және кем тұстарын көрсетуге және Солтүстік Калифорнияға сапарды жоспарлауға болатын слайдтарды көрсетті. Дегенмен, Google, егер жасанды интеллектпен чат арқылы сөйлесу технологиясын тым жылдам алға жылжытса, компанияның беделіне нұқсан келуі мүмкін деп атап өтті.
ЖИ негізіндегі сұхбаттасушылардың өзіндік нұсқаларын қытайлық Baidu (NASDAQ: BIDU) және Alibaba (NYSE: BABA) да дайындайды. Оның үстіне, бұл нарық өз жолымен жүруге қабілетті, себебі ChatGPT негізіндегі технологияларға Аспан асты елінде тыйым салынуы мүмкін, ал америкалықтар өз аумағында қытай технологияларын шектеуі мүмкін.
Қытайдағы жасанды интеллект нарығының көлемі 2016 жылдан бастап 2025 жылға дейінгі болжаммен (миллиард юаньға)
Бенефициарлардың екінші қатарының арасында Apple (NASDAQ: AAPL) атап өтуге болады. Өндірушінің A және M сериялы чиптерінің Face ID сияқты машиналық оқыту функцияларын қамтамасыз ететін компоненттерге ие екені көрсетілген, бұл жасанды интеллектінің даму саласындағы жетістіктердің тағы бір мысалы.
IBM (NYSE: IBM) соңғы жылдары компанияларға міндеттемелерді автоматтандыруға және виртуалды көмекшілер құруға көмектесу үшін өзінің ЖИ мүмкіндіктерін пайдаланды. Нарықта IBM жеке өнімдерді әзірлеудің орнына қауіпсіздік және автоматтандыру қолданбалары үшін пайдаланылатын өз бағдарламалық жасақтамасына жасанды интеллект енгізуді жалғастырады деп күтілуде.
Жасанды интеллект нарығының көлемі 2021 жылдан бастап 2030 жылға дейін (млрд долларға)
Чип өндірушілерінің нарығы. Машиналық оқытуға және ЖИ-дің тұрақты жұмысқа қабілеттілігіне деген сұраныс осы міндеттерге оңтайландырылған чиптердің жеке нарығын тудыруы не ағымдағы жартылай өткізгіш өндірушілерді қолдауы мүмкін. Bernstein талдаушылары ChatGPT сұратуына стандартты жауап беру үшін 400 квадриллионға жуық операция қажет деп атап өтті, оны ЖИ саласындағы мол тәжірибесі бар чип өндірушісі басқара алады. Оларға Nvidia (NASDAQ: NVDA) және Dell (NYSE: DELL) жатады.
Есептеулер бойынша, күніне 100 миллион ChatGPT сұрату $1-2 миллиард сомасында NVIDIA H100 PCIe чиптерін жыл сайын сатып алуды талап етеді. Күніне бір миллиард сұратумен жылына $10-20 млрд сатып алуды күтуге болады. Егер оларға Google-дің сұратуларын қосса, ал бұл күніне шамамен 10 млрд болса, онда Bernstein H100 буынынан жылына $150 млрд сомасында графикалық процестердің ықтимал сатылымын болжайды.
2021 жылдан бастап 2031 жылға арналған болжамдармен қолдану саласы бойынша ЖИ үшін чиптер нарығының үлесі
Дереккөз: Allied Market Research
Нарықтық ETF. Жасанды интеллектке байланысты қорларға инвестициялау үшін ARK Autonomous Technology & Robotics ETF (ARKQ), iShares Robotics and Artificial Intelligence Multisector ETF (IRBO) және Global X robotics & Artificial Intelligence ETF (BOTZ) сияқты ETF-ті қарастыруға болады.
АҚШ-тың технологиялық секторы 2022 жылы қатты қысымға ұшырады. Чиптерге сұраныстың азаюы, жоғары инфляция және мөлшерлемелердің өсуі саланың дамуына теріс әсер етті. Алайда, ChatGPT өткен жылға дейін байқалған tech компаниялардың акцияларына болған сұраныстың қайта жанданғанын меңзеді. Егер жасанды интеллект әлеуетін коммерциялық іске асыруға едәуір инвестициялар Федералды резервті жүйесі ақша-кредит саясатын жеңілдете бастаған кезде практикалық серпіліске әкелуі мүмкін болса, онда бұл жоғарыда аталған қағаздардың өсуіне айтарлықтай ынталандыру болады.
