Климатқа инвестициялар: «жасыл» қағаздардың үздік жетілігі
Авторы: Елдар Шакенов, Freedom Finance Global-дың талдаушысы
Жаңартылатын энергия көздері индустриясы қанатын жаюға дайын. 2022 жылы АҚШ-та аталған саланың өсу қарқыны жобаларды ендіруге материалдық және уақыт шығындарының ұлғаюынан баяулап қалды. Бұл жеткізілімдер тізбегінің бұзылуымен, сауда саясатының белгісіздігімен, инфляциямен және пайыздық мөлшерлемелердің артуымен туындады. Көптеген проблемалар 2023 жылы да сақталуы ықтимал, бұл сегменттің дамуына біршама кедергі келтіреді.
Дегенмен үрдістер мен одан кейін ие болатын мүмкіндіктер салаға оның өсуіне қарай қиындықтарды еңсеруіне және 2024 жылы жылдамырақ дамуына негіз қалауға жәрдемдеседі. Самғау таза энергияға сұраныстың және оны алу үшін ынталандырудың рекордтық жиынтығының арқасында үдей түсуі ықтимал, бұл туралы американдық инфляцияны төмендету туралы заңда (IRA) айтылған.
Бірінші үрдіс – жаңартылған көздерден электр энергиясын өндіру құны. Соңғы жылдары күн және жел қондырғылары секілді жабдықтардың бағасы едәуір төмендеді, бұл оны өндіру құнының арзандауына әкеледі. Бұл үрдіс «жасыл» энергетиканы дәстүрлі энергетикамен салыстырғанда бәсекеге аса қабілетті етуге мүмкіндік береді.
Екінші үрдіс – тарифтер. Жалпы, жаңартылатын көздерден өндірілген энергияның бағалары дәстүрлі көздермен салыстырғанда аса рентабельді болады. Алайда олар өндіру орны мен жағдайларына қарай әлі де өзгеруі мүмкін.
Үшінші үрдіс – реттеу шаралары. Бүкіл әлем елдерінің үкіметтері жаңартылатын энергия көздеріне көшуге жәрдемдесетін заңнамалық актілер қабылдауда. Көптеген елдер көміртектің шығарындыларын азайтуды мақсат етіп қойып, «жасыл» энергетиканың дамуы үшін салық жеңілдіктері мен субсидиялар ұсынады.
імдердің бірі жаңартылатын энергетиканы ортақ желіге қарқындырақ кіріктіруге мүмкіндік беретін жаңа технологиялар мен инфрақұрылымды әзірлеу болуы мүмкін.
Төртінші үрдіс – тиімді бизнес-модельдер. Бұл саладағы компаниялар кірістерді барынша арттыру үшін идеяларды іздеу проблемасымен ұшырасып отыр. Шеш
Бесінші үрдіс – цифрландыру. Орнықты энергетика технологиялық шешімдерге: мониторингтеу және басқару жүйелеріне, деректерді бөліп сақтауға, блокчейнге көбірек тәуелді болады. Цифрландыру өндіру мен энергия жүйелерін басқарудың тиімділігін арттырып, энергия алудың шығындарын азайтуға жәрдемдеседі.
Жаңартылатын энергия көздерінің әлемдік нарығының көлемі. Жаһандық нарық таяу жылдары бұл бағыттағы өсуін жалғастырады деп болжамдалып отыр. Next Move Strategy Consulting-тің деректеріне қарағанда, 2030 жылға қарай нарық $2 трлн-нан асып түседі. Дамушы өңірлердегі қазылатын отынмен, жылдам урбандалумен және экономикалық өрлеумен байланысты экологиялық проблемалар – бұл нарықтың болжалды өсуіне септігін тигізетін басты факторлар.
2021 жылғы жаңартылатын энергия көздерінің әлемдік нарығының көлемі
және 2022-2030 жылдарға болжамы (млрд АҚШ долларымен)
Дереккөз: Statista.com
Дереккөз: Our World in Data
1) Enphase Energy Inc. (ENPH) – күн панельдерінен шыққан энергияны электр энергиясына түрлендіру үшін пайдаланылатын шағын инверторлар өндірісінде көшбасшы. Компания соның ішінде басқа ұйымдарды сатып алу есебінен өз нарығы мен өнімдер желісін белсенді түрде кеңейтуде және өсу үстіндегі саладағы бизнесті кеңейте түсуге бағыт ұстанып отыр. ENPH акцияларының инвестициялық банктердің $275 мақсатты бағасының 32%-на жуық әлеуеті бар.
2) NextEra Energy Inc. (NEE) – жаңартылатын энергия саласындағы жетекші компания және АҚШ-та осы сегменттегі аса ірі компаниялардың бірі. Ол күннен және желден, сондай-ақ газ электр станцияларынан электр энергиясын өндіруге маманданған. Таза энергетика индустриясындағы көшбасшылық жайғасымының және орнықты жобаларды белсенді дамытудың арқасында NextEra Energy тәуір өсім келешегін көрсетіп отыр. Компания акцияларының инвестициялық банктердің $95 мақсатты бағасының 22%-на жуық әлеуеті бар.
3) SolarEdge Technologies, Inc. (SEDG) – күн энергетикасын желіге кіріктіруге арналған технологиялар мен шешімдердің жетекші өнім берушісі. Компания қуатты оңтайландырудың және батареяларды басқарудың төлтума технологиясы бар инверторларды қоса алғанда инновациялық өнімдерді, сонымен бірге энергия өндіруді мониторингтеуге және басқаруға арналған шешімдерді ұсынады. Ол Солтүстік Америка, Еуропа, Азия нарықтарында серпінді даму үстінде және нарықтағы өз үлесін ұлғайтуда. Оның өз өсіміне одан әрі инвестициялау мүмкіндігін қамтамасыз ететін берік қаржы көрсеткіштері бар. SEDG акцияларының инвестициялық банктердің $368 мақсатты бағасының 23%-на жуық әлеуеті бар.
4) The AES Corporation (AES) – электр энергиясын өндірумен, бөлумен және әлемнің түрлі елдеріне сатумен айналысатын жаһандық компания. Ол жаңартылатын энергия көздеріне және энергия үнемдеу технологияларына белсенді түрде инвестиция салып келеді, бұл оған энергиямен жабдықтаудың аса орнықты әрі экологиялық таза желілерін құруға мүмкіндік береді. Одан бөлек, AES ресурстарды тиімді пайдалануды қамтамасыз ететін бизнес-модельдерді дамытып, электр энергиясын өндірудің экономикалық нәтижелілігін арттыруда. Компания акцияларының инвестициялық банктердің $31 мақсатты бағасының 25%-на жуық әлеуеті бар.
5) Albemarle Corporation (ALB) – электр мобильдерге арналған аккумуляторлар өндірісінде пайдаланылатын литийдің және жаңартылатын көздерден алынатын энергияны сақтауға бағытталған қолданбалардың әлемдік ірі өндірушілерінің бірі. Жолдарда электр мобильдер санының ұлғаюымен және орнықты энергетикаға деген қызығушылықтың арта түсуімен литийге сұраныс таяу жылдары едәуір артуы мүмкін. Компания акцияларының инвестициялық банктердің $240 мақсатты бағасының 18%-на жуық әлеуеті бар.
6) LP Brookfield Renewable Partners (BEP) – жаңартылатын энергетика саласында жоғары сапалы әрі экологиялық таза шешімдер ұсынатын, осы сектордағы жетекші әлемдік инвестор әрі оператор. Компанияның Солтүстік және Оңтүстік Америкада, Еуропада және Азияда күн, жел, гидро және биоэнергетиканы пайдаланудың ауқымды ірі жобалары бар. Арта түсіп отырған сұранысты ескерсек, BEP-те әрі қарай өсу мен дамудың лайықты келешегі бар. Компания акцияларының инвестициялық банктердің орташа $38 мақсатты бағасының 23%-на жуық әлеуеті бар.
7) Tesla Inc. (TSLA) – электр мобиль индустриясындағы жетекші компаниялардың бірі, оның инновациялық технологиялардың, бірегей дизайн мен күшті брендінің арқасында әлемдік нарықтардағы үлесі артып келеді. Сонымен бірге ол күн энергетикасы, энергия жүйелері мен энергияны сақтау саласындағы бизнесін дамытуда. Tesla-да көлік және энергетикалық индустрияда басты ойыншы болудың барлық мүмкіндіктері бар. Электр мобильдер нарығындағы көшбасшы ретінде Tesla жоғары нарық үлесіне және стратегиялық маңызды орындарда күшті жайғасымға ие. Компания акцияларының инвестициялық банктердің $225 мақсатты бағасының 22%-на жуық әлеуеті бар.
Жалпы алғанда «жасыл» энергетиканың даму келешегі көп үміт күттіретіндей көрінеді. Технологиялардың жылдам дамуы, үкіметтер тарапынан қолдау мен инвестициялардың ұлғаюы нарықтың өсуіне қолайлы орта қалыптастырады. Іскер салымшылар саланың компанияларына салымдар мүмкіндігін тек пайда табу үшін ғана емес, сонымен бірге орнықты энергетиканың дамуында және климаттың өзгеруімен күресте рөл атқару үшін қарастыра алады.
Алайда шешім қабылдаған кезде инвесторлардың мұндай жылдам өсіп келе жатқан сектордың тәуекелдері мен нарықтың ықтимал ауытқуларын да ескергені жөн. Бұл компанияларға ұзақ уақыт бойына кірістерінің едәуір ұлғайғанын көрсетуге тура келетініне байланысты. Мұндай іс-әрекеттер жоғары пайыздық мөлшерлемелер жағдайында акцияларға баға белгіленімдерінің өсуін қолдау үшін қажет. Істің көрсетілген жағдайы таза энергияға жылдамырақ көшу үшін үкіметтерден уақтылы қолдау алуға мүмкіндік береді.
