«Фридом Финанс» Қазақстан: 2022 ж. 2-тоқсан қорытындылары

«Фридом Финанс» АҚ жеке (шоғырландырылмаған) қаржылық есептілігінің негізгі қаржылық көрсеткіштері:

1. 2022 жылғы 30 маусымдағы қорытынды активтер 2021 жылғы 31 желтоқсанмен салыстырғанда 32,5 млрд теңгеге (27,2%) ұлғайды және 152,1 млрд теңгені құрады. Өсімге: 

А) өзгерістері пайда мөлшерінің құрамында 18,7 млрд теңгеге (25,4%) көрсетілетін әділ құн бойынша бағалы қағаздардың ұлғаюы,

Б) сақтандыру компанияларының капиталына инвестициялардың 11,4 млрд-қа (28,1%) ұлғаюы нәтижесінде қол жеткізілді.

2. Міндеттемелер 2021 жылғы 31 желтоқсанмен салыстырғанда 27,7 млрд теңгеге (86,7%) ұлғайды және 59,6 млрд теңгені құрады. Бұл сақтандыру компанияларын сатып алу үшін кредиторлық берешектің 11,4 млрд теңгеге артуымен және «РЕПО» операцияларының 16,6 млрд теңгеге (54,3%) артуымен байланысты.

3. 2022 жылдың екінші тоқсанындағы таза табыс 2021 жылдың екінші тоқсанындағы таза табыспен салыстырғанда 1,1 млрд теңгеге (33%) өсіп, 4,5 млрд теңгені құрады. Бұл брокерлік қызметтерден комиссиялық сыйақылардың 1,1 млрд теңгеге артуымен байланысты.

Негізгі сандық көрсеткіштер

1. Жарғылық капитал – 61,4 млрд теңге.
2. 01.07.2022 жылы шоттардың жалпы саны – 81,3мың
3. 2022 жылдың екінші тоқсанындағы мәмілелер саны – 176 мыңнан астам. 
4. 01.07.2022 ж. жай-күй бойынша компания («Фридом Финанс» АҚ) Қазақстандық қор биржасында құнды қағаздардың 77 атауы (соның ішінде 18-і - KASE Global секторы) бойынша, Astana International Exchange-де 6 атау бойынша ресми маркет-мейкер болып табылады. 

Басты оқиғалар

• Қазақстандағы Freedom Finance экожүйесі ребрендинг өткізді; Бренд жаңартудың басты міндеттері – барлық жобаларды холдингті дамытудың жаңа бағытындағы сандық экожүйе қорғауында біріктіру және компаниялардың бірыңғай танымал стилін құру. Экожүйеге инвестициялық компаниялар, сақтандыру компаниялары, сандық банк, микрокредиттік ұйым, онлайн-төлемдер агрегаторы және т.б. кіреді. 
• S&P Global Ratings халықаралық агенттігі Freedom Holding Corp. (NASDA»Q: FRHC) және еншілес компанияларға Freedom Finance Global PLC, АО «Фридом Финанс» қатысты «В-» деңгейінде ұзақ мерзімді кредиттік эмитент рейтингін және «В» деңгейінде қысқа мерзімді кредиттік рейтингті растады. 2022 ж. 17 наурызында енгізілген рейтингтерді CreditWatch Negative тізімінен де шығарды. Холдингтік компания келешегі тұрақты, ал еншілес компаниялардың келешегі оң. Агенттік «Фридом Финанс» АҚ рейтингтерін Қазақстан Республикасының ұлттық рейтинг шкаласы бойынша да «kzBB-дан» «kzBB-»-қа көтерді.
• Cbonds порталының деректері бойынша «Фридом Финанс» АҚ 2022 жылдың 6 ай бойғы нәтижелері бойынша Қазақстанның облигация ұйымдастырушылары рэнкингінде «Барлық шығарылымдар» (нарық үлесі – 20,03%) және «Нарық шығарылымдары» (нарық үлесі – 18,4%) санаттарында екінші орын алды. 

Freedom Finance Global PLC 2023-ші қазыналық жылдың бірінші тоқсанындағы қорытындысы 

2022 жылдың сәуір – маусым аралығында компанияда 6,6 мың шот ашылды, 199 мыңдай мәміле жүргізілді. 2022 жылғы 1 шілдедегі жай-күй бойынша шоттардың жалпы саны –47 мыңдай, 1,3 млн-нан астам мәміле жасалды. 

Анықтама:

«Фридом Финанс» АҚ өз клиенттеріне KASE пен AIX-те брокерлік қызметті, құнды қағаздарды ұстап тұру бойынша маркетмейкер қызметтерін, борыштық және үлестік қаржыландыруды ұйымдастыруды, қаржылық консалтинг саласындағы қызметтерді ұсынады.

Freedom Finance Global – бұл бөлшек сауда инвесторларына қызмет көрсетуде маманданатын жаңа мүмкіндіктерге ие брокер. Компания халықаралық қаржы нарықтарындағы (NYSE/NASDAQ, London Stock Exchange) биржалық операцияларға тікелей қолжетімділікті, IPO-ға айрықша қолжетімділікті, сондай-ақ ағылшын құқығы принципі бойынша мәмілелердің қорғалуы мен сенімділігін қамтамасыз етеді.

Компания Freedom Holding Corp халықаралық инвестициялық тобына кіреді. Холдинг акциялары (15.10.2019 ж.) Nasdaq Capital Market FRHC тикерімен орналастырылған. Freedom Holding Corp. Қызметі Құнды қағаздар мен биржалар жөніндегі комиссиямен (SEC, АҚШ) реттеледі.  

БАҚ үшін байланыстар:

Фахрутдинова Рамина – «Фридом Финанс» АҚ PR жөніндегі Директорлар Кеңесі Төрағасының Кеңесшісі  

E-mail: [email protected] | [email protected]

Тел. +7 (727) 311 10 64, вн. 640