Freedom Holding Corp. 2023 жылғы 3 тоқсанда $62,9 млн табыс тапты

Алматы, Қазақстан/ 2023 жылғы 15 ақпан

2022 және 2021 жылғы 31 желтоқсанында аяқталған үш айдың ішінде холдингтің түсімі $ 214,5 млн   және тиісінше $155,2 млн-ды құрады. Түсімнің $59,3 млн-ға немесе 38%-ға өзгеруі негізінен мыналардың өсуіне байланысты болды:

● эмитенттің пайыздық табысы 138%-ға немесе $46,6 млн-ға - $33,7 млн-нан $ 80,3 млн-ға дейін. Мұндай өсу сауда портфелінің ұлғаюымен және облигациялар үлесінің кеңеюімен, оларды клиенттердің кеңінен пайдалануының нәтижесінде ондағы маржиналдық несиелер бойынша пайыздық табыстың, сондай ақ компанияның несие портфелінің ұлғаюымен шартталған; 
● валюталық операциялардан таза кіріс $19,5 млн-ға, бағалы қағаздармен сауда $17,8 млн-ға
● сақтандыру қызметінен түскен кірістің $21,2 млн-нан $28,6 млн-ға дейін артуы
● компанияның операцияларын  қысқа мерзімді қаржыландыру мақсатында валюталық своптар жасасу арқылы таза туынды құралдар бойынша шығыстардың $21,2 млн-ға артуы.

2023 қаржы жылының 3-тоқсанында холдингтің шығындары 71%-ға немесе 67,9 миллионға өсті. Бұл келесі факторлармен шартталған:

● холдингтің несие портфелінің өсуіне байланысты құнсыздану резервін есептеудің $24,4 миллионға ұлғаюымен.
● клиенттердің депозиттері және РЕПО операция қарыздылығы бойынша пайыздық шығындардың өсуі $30,1 млн-ға  немесе 137%-ға артуымен, бұл 2022 қазыналық жылдың сол кезеңінің нәтижесімен салыстырғанда есептік тоқсанда клиенттер бқорының және операциялар көлемінің ұлғаюымен түсіндіріледі;
● операциялық шығындардың $ 19 млн-ға артуымен.

Холдингтің таза пайдасы $62,9 млн-ды құрады. Холдингтің акциялардың  орташа алынған санының негізінде есептелген 59,5 млн дана акцияға шаққандағы пайдасы $1,38 құрады. Өзге жиынтық пайдасы $45,7 млн-нан $57,5 млн-ға дейін өсті. Холдингтің активтері 66%-ға – $3,228 млн-нан $5,368 млн-ға дейін өсті. Міндеттемелер 75%-ға– $ 2,681 млн-нан   $4,686 млн-ға дейін ұлғайды.

2022 жылғы 31 желтоқсандағы жағдай бойынша холдингтің брокерлік клиенттік шоттарының саны 346 мыңды құрады, бұл 2022 жылғы 30 қыркүйектегі брокерлік клиент шоттарының санынан 36 мыңға немесе 10%-ға көп.

Анықтама үшін
·*Есептілік валютасын қайта санау резерві бойынша шығын.
Холдингтің басқа жиынтық кірістері/шығыстары еншілес компаниялардың функционалдық валюталарында, шоғырландыру кезінде холдинг валютасында көрсетілген қаржылық есептіліктің көрсеткіштерін қайта есептеу нәтижесінде туындайтын қаржылық есептілік резервін қайта есептеу бойынша кірістер мен шығыстарды қамтиды. Резервтерді есептеу кезінде активтер мен міндеттемелердің баптары есепті күннің бағамы бойынша, кірістер мен шығыстардың баптары есепті кезеңдегі орташа бағам бойынша қайта есептеледі. Резервтің оң өзгерісі еншілес компаниялардың функционалдық валюталарының холдинг есеп беретін валютаға қатысты құнсыздануы нәтижесінде туындайды.

· Холдинг үшін қазыналық 2022 жыл 2022 жылғы 31 наурызында аяқталды.
Freedom Holding Corp. Freedom еншілес компаниялары арқылы қаржылық, бөлшек сауда брокерлік, инвестициялық кеңес беру, бағалы қағаздармен сауда-саттық қызметін, инвестициялық банкинг және андеррайтинг қызметін жүзеге асыратын холдинг болып табылады. Компания Қазақстан қор биржасының (KASE), «Тошкент» республикалық қор биржасының (UZSE), Украина қор биржасының (UX), Astana International Exchange (AIX) кәсіби қатысушысы болып табылады. Компанияның бас кеңсесі Қазақстанда, Алматы қаласында, әкімшілік офисі АҚШ-та орналасқан. Холдингтің еншілес компаниялары АҚШ, Қазақстан, Украина, Өзбекстан, Қырғызстан, Әзірбайжан, Армения, Ұлыбритания, Грекия, Испания, Франция, Германия, Біріккен Араб Әмірліктері, Түркия және Кипрде жұмыс істейді. 
 
Болжамдық сипаттағы мәлімдемелерге қатысты ескерту
Бұл баспасөз-релиз «болжамды мәлімдемелерден» тұрады. Барлық болжамды мәлімдеме белгіленбеген сипатқа ие және жағдайға байланысты өзгерістерге ұшыраған. Болжамды мәлімдемелер болашақ нәтижелердің немесе көрсеткіштердің кепілдігі болып табылмайды және нақты жағдайлардың немесе, мүмкін, болжамды мәлімдемелерде сипатталған немесе күтілетін оқиғалардан немесе нәтижелерден айтарлықтай айырмашылығы бар нәтижелердің нәтижесінде туындауы мүмкін тәуекелмен және белгісіздікпен ұштастырылған. Мұндай болжамды мәлімдемелерге айтарлықтай әсер етуі мүмкін факторларға Мемлекеттік бағалы қағаздар және қор нарығы комиссиясында сақталатын Холдингтің мерзімді есептерінде табылған белгіленген экономикалық, коммерциялық және нормативтік тәуекел мен факторлар жатады. Барлық болжамды мәлімдеме осы баспасөз-релиз шығарылатын күнге ғана жасалды және Холдинг бұдан кейінгі оқиғаларды немесе жағдайларды көрсету үшін болжамды мәлімдемелерді жаңарту міндеттемелерін өз мойнына алмайды. Оқырмандардың мұндай болжамды мәлімдемелерге тым сенім артуының қажеті жоқ. 
 
Nasdaq Capital Market бұл баспасөз-релиздің мазмұнын не мақұлдаған не қабылдаған жоқ.
 
ДЕРЕККӨЗ: Freedom Holding Corp.

БАҚ үшін байланыстар:
Фахрутдинова Рамина - «Фридом Финанс» АҚ PR бойынша директорлар Кеңесі Төрағасының Кеңесшісі 
E-mail: [email protected]