Hexcel ұшақтарға арналған композиттер сатылымдарының өсіміне дайындалуда

Hexcel Corporation (NYSE: HXL) технологиялық компаниясының акциясы 22 қарашадағы сауда-саттықтарда 14%-ке, $67,23-ке дейін қымбаттады. Оның басты себебі COVID кезеңіндегі кідірістен кейін жолаушылар ұшақтары өндірісінің ішінара қалпына келуі болды. Hexcel азаматтық әуе ұшақтарына арналған композиттік материалдарды шығару көлемін ұлғайтуға дайындалуда, дегемнен бұл ретте компанияның қорғаныс нарығында да жайғасымдары күшті.

Үшінші тоқсанда Hexcel-дің сатылымдары жылға жыл 15%-ке өсті, алайда операциялық пайда төменделі. Қазіргі кезде Hexcel өндірістік қуаттарды кеңейтуге инвестиция салуда, өйткені компания тар фюзеляжды ұшақтарды шығаруды 50%-ке жылдам өсуін күтіп отыр.

Hexcel басшылығының болжамдарына қарағанда, компания пандемияға дейінге табыс деңгейіне 2025 жылы қайта орала алады. Ең алдымен өсім драйвері дәл өңірлік тасымалдар үшін қолданылатын салыстырмалы түрде шағын тар фюзеляжды Boeing 737 MAX және Airbus A320 neo ұшақтары болады.

Hexcel ұшақтардың композиттік бөлшектеріне, мәселен, фюзеляждың және қанаттардың күштік элементтеріне арналған материалдар мен жабдықтардың өндірушісі болып табылады. Мәселен, компания ұяшық қаңқаларды толтыруға және жеңіл, бірақ берік композиттік конструкцияларды дайындауға пайдаланылатын шайырларды жеткізіп береді.

Компания ең көп пайданы дәл жаңа ұшақтарға тапсырыстардан алады, өйткені олар үшін ескі машиналарды жөндегенге қарағанда, композиттік бөлшектер көп қажет болады.

Hexcel-дің артықшылығы өте ауқымды әртараптандыру болып табылады, бұл оның бизнесін жекелеген сегменттердегі сұраныстың төмендеуіне осалдығын азайтады. Атап айтқанда, Hexcel композиттерді тек ірі әуе ұшақтарына ғана емес, сондай-ақ жекеменшік шағын авиацияға да жеткізіп береді.

Hexcel сондай-ақ өз өнімдерін әскери техниканы, мәселен, бесінші буынды F-35 жойғыштары мен төртінші буынның ең ескі F/A-18E/F Hornet және  Eurofighter Typhoon жойғыштарын дайындауға жеткізіп береді.