Freedom Holding Corp. «Банк Kassa Nova» АҚ сатып алу мәмілесін аяқтады

2020 ж. 30 желтоқсан, Алматы қ., Қазақстан

«Фридом Финанс» АҚ, Freedom Holding Corp. компаниясының еншілес компаниясы болып табылады, «Банк Kassa Nova» АҚ-тың шығарылған және айналыстағы барлық жай және артықшылықты акциясын сатып алуды аяқтады. Артықшылықты акцияларды сатып алу мәмілесін аяқтау жағдайлары ретінде Холдинг Maglink Limited және Global Development компанияларынан банктің өтелмеген тәртіптелген барлық қарызын сатып алды.

Осыған дейін (2020 жылғы 14 желтоқсан) Қазақстан Республикасын Қаржы нарығын реттеу және дамыту агенттігі «Фридом Финанс» АҚ-қа «Банк Kassa Nova» АҚ еншілес ұйымын сатып алуға рұқсат берді, сондай-ақ банктік холдинг мәртебесіне ие болуға келісім берді.

Сатып алудың жалпы құны 52,9 млн АҚШ долларын құрады.

Тимур Турлов, СЕО, Freedom Holding Corp.:

«Біз 2020 жылды тағы бір қуанышты жаңалықпен аяқтағалы отырмыз, біз «Банк Kassa Nova» АҚ акцияларын сатып алу мәмілесін аяқтадық. Аталған Банкті сатып ала отырып, клиенттеріміз есеп айырысуды жылдам әрі арзандау жүргізіп, үздік төлем шешімдерін пайдалана алады, сондай-ақ оларға инвестициялауға көбірек мүмкіндік беріледі. Біздің команда ірі бөлшек жобаларды іске асыруда тәжірибесі мол мықты мамандардан құралғандықтан, біз цифрлық инвестициялық банк түрінде лайықты бәсекелес болуды көздеп отырмыз».

«Банк Kassa Nova» АҚ Басқармасы Төрағасының міндетін атқарушы ретінде осыған дейін Банктің Басқарушы директоры лауазымын атқарған және Басқарма мүшесі болған Гульфайруз Ахметова тағайындалды. Ахметова ханымның қаржы саласындағы жұмыс тәжірибесі 17 жыл. «Альянс Банк» АҚ, «Темiрбанк» АҚ және «ForteBank» АҚ әртүрлі басқарушы лауазымдарын атқарды.

Freedom Holding Corp. компаниясы жайында

Freedom Holding Corp. бұл – қаржы қызметін, бөлшек брокерлік операцияларды, инвестициялар мәселелері бойынша консультация беруді, бағалы қағаздардың сауда-саттығын, инвестициялық-банктік және андеррайтингтік қызметтерді өзінің «Freedom Finance» еншілес компаниясы арқылы жүзеге асыратын холдинг. Компания Қазақстан қор биржасының (KASE), Astana International Exchange (AIX), Мәскеу биржасының (MOEX), Санкт-Петербург биржасының (SPB), «Тошкент» Республикалық қор биржасының (UZSE) және Украина биржасының кәсіби қатысушысы болып табылады. Компанияның бас офисі Қазақстанда, Алматы қаласында орналасқан, ал оның әкімшілік офистері Ресейде және АҚШ-та орналасқан. Компанияның Қазақстанда, Ресейде, Қырғызстанда, Украинада, Өзбекстанда, Германияда және Кипрде филиалдары бар.

Бүгінгі күні Холдингтің жай акциялары Nasdaq Capital Market биржасында, Қазақстан қор биржасында және Санкт-Петербург биржасында сауда-саттыққа түседі.

Freedom Holding Corp. компаниясының 2020 жылы орын алған маңызды оқиғалары

•      2020 жылғы 3 маусымда Бағалы қағаздар және қор нарығы жөніндегі ұлттық комиссия Freedom Holding Corp. компаниясына Украина биржасы акцияларының едәуір үлесін сатып алуға рұқсат берді.
•      Холдингтің Freedom Finance Global PLC еншілес компаниясы Astana International Exchange (AIX) және халықаралық бағалы қағаздар нарықтарына шығу мүмкіндігін пайдалана отырып, «Астана» халықаралық қаржы орталығының» Қаржы қызметтерін реттеу жөніндегі комитетінен (AFSA) бағалы қағаздар нарығымен байланысты әртүрлі брокерлік қызметтер кіретін қызметтер кешенін өз клиенттеріне ұсынуды бастауға рұқсат беретін лицензия алды.
•     Freedom Holding Corp. Ресейдің Федералды монополияға қарсы қызметінің мақұлдауын алғаннан кейін «ЦЕРИХ Кэпитал Менеджмент» ИК АҚ-ты сатып алу мәмілесін аяқтады. «ЦЕРИХ Кэпитал Менеджмент» ИК «Фридом Финанс» ИК-ға біріктіру процесін бастады.
•      2020 жылғы 30 қарашада S&P Global Ratings агенттігі «Фридом Финанс» АҚ-тың және «Фридом Финанс» ИК ЖШҚ-ның «Тұрақты» рейтингісінен «Оңға» рейтингісіне болжамын қайта қарады. Екі компанияның ұзақ мерзімді және қысқа мерзімді рейтингілері «В-/В» деңгейінде расталды. «Фридом Финанс» АҚ—тың рейтингісі де ұлттық шкала бойынша "kzBB-" рейтингісінен "kzBB" рейтингісіне дейін қайта қаралды.
•      Freedom Holding Corp. компаниясы MSCI U.S. Small Cap 1750 және MSCI U.S. Investable Market 2500 индекстеріне кіргізілді.
•      Freedom Holding Corp. 2020 жылғы 18 желтоқсанда Қаржы институттарының қызметін реттеу жөніндегі агенттіктің  (FINRA) тарапынан тұрақты мүшелік құқығына өтінімді мақұлдағаннан кейін Prime Executions Inc брокерлік-дилерлік компаниясын сатып алды.

Ағымдағы қаржы көрсеткіштері

·         2020 жылғы 30 қыркүйектегі жағдай бойынша 195 мың клиент шоты ашылды, бұл – 2020 жылғы 30 маусымдағы жағдай бойынша клиент шоттарының санымен салыстырғанда 43 мыңға немесе 28%-ға көбірек.

·         Компанияның 2020 жылғы 29 желтоқсандағы жағдай бойынша капиталдандырылуы $3 млрд. құрайды.

·         FRHC акцияларының ағымдағы құны $51,7 (2020 жылғы 29 желтоқсандағы жағдай бойынша) құрайды, жыл басынан – 254 %-ға өсті.

ДЕРЕККӨЗ: Freedom Holding Corp.

Болжамды сипаттағы өтініштерге қатысты ескерту

Осы баспасөз-релиз «болжамды өтініштерден» тұрады. Барлық болжамды өтініш белгіленбеген сипатқа ие және жағдайларға байланысты өзгерістерге бейім. Болжамды өтініштер болашақтағы нәтижелерге және көрсеткіштерге кепілдік бермейді және болжамды өтініштерде сипатталған немесе күтілетін оқиғалардан немесе нәтижелерден айтарлықтай айырмашылығы бар болуы мүмкін нақты оқиғалардың немесе нәтижелердің салдарынан туындауы мүмкін тәуекелмен және тұрақсыздықпен байланысты. Мұндай болжамды өтініштерге айтарлықтай ықпал ете алатын факторларға Бағалы қағаздар және қор биржалары жөніндегі мемлекеттік комиссияда сақталатын Холдингтің мерзімдік есептерінде анықталған белгіленген экономикалық, коммерциялық және нормативтік тәуекел мен факторлар жатады. Барлық болжамды өтініш осы баспасөз-релиз шығарылатын күнге ғана жасалған және Холдинг бұдан кейінгі оқиғаларды немесе жағдайларды көрсету үшін болжамды өтініштерді жаңарту міндеттемелерін өз мойнына алмайды. Оқырмандардың мұндай болжамды өтініштерге тым сенім артпағаны жөн.

The Nasdaq Capital Market осы баспасөз-релиздің мазмұнын бекіткен жоқ және қабылдамау жағдайы болған жоқ.

БАҚ үшін байланыс деректері:

Фахрутдинова Рамина – «Фридом Финанс» АҚ Директорлар кеңесі Төрағасының PR жөніндегі Кеңесшісі

E-mail: [email protected] | [email protected]

Тел. +7 (727) 311 10 64, іш. 640.