Осымен Freedom Finance Global PLC ЖК (бұдан әрі «Компания», «Брокер») сізге туынды қаржы құралдары (деривативтер) болып табылатын мәмілелерді (бұдан әрі – «ТҚҚ мәмілелері») жасаудың мынадай ерекшеліктері туралы хабарлайды.
Туынды қаржы құралдары (деривативтер), оның ішінде опциондар және фьючерстер болып табылатын мәмілелерді жасау кезінде инвестор қор нарықтарында операциялар жасауға ұштасқан жалпы тәуекелдерді (жүйелі, банктік, операциялық, техникалық, нарықтық, валюталық, эмитент тәуекелдері және т.б.) ғана емес, сондай-ақ туынды қаржы құралдарының ерекшеліктеріне байланысты ерекше тәуекелдерді де көтереді. Мысалы, инвестор жалпы нарықтық (бағалық) тәуекелден басқа, Брокерге туынды қаржы құралымен мәмілелер жасауға тапсырма жіберген жағдайда, ол туынды қаржы құралының базистік активі болып табылатын қаржы құралдары бағасының қолайсыз өзгеруі тәуекелін де, сондай-ақ тиісті туынды қаржы құралдары бойынша қамтамасыз ету ретінде әрекет ететін активтерге қатысты тәуекелді де көтереді. Базистік активтердің нарықтық көрсеткіштерінің өзгеруіне және олардың инвестордың ТҚҚ Мәмілелерінен қаржылық нәтижесіне экономикалық әсеріне сенімділіктің жеткілікті дәрежесімен болжам жасау мүмкін емес. ТҚҚ Мәмілелерін жүзеге асыруға байланысты тәуекелдер туралы толығырақ ақпаратпен Компанияның Бағалы қағаздар нарығында брокерлік (агенттік) қызметтер көрсету регламентіне 4-қосымшадағы Бағалы қағаздар нарығында операцияларды жүзеге асыруға байланысты тәуекелдер туралы декларацияда, сондай-ақ биржалық туынды қаржы құралдарымен мәмілелер жасалатын және орындалатын биражалардың, сауда алаңдарының және клирингтік ұйымдардың сайттарында орналастырылатын ақпараттық материалдарда танысуға болады.
ТҚҚ Мәмілелерінің талаптары белгіленген кірістілік кепілдігін қамтымайды. Инвестор ТҚҚ Мәмілелерін жасағанда брокер оның тиісті мәміледен кіріс алуы немесе керек қаржылық нәтижеге қол жеткізуі қамтамасыз етілетініне кепілдік бермейді. Брокер мәлімдемелер жасамайды, куәландырулар немесе кепілдіктер бермейді және инвестордың нақты қаржылық нәтижелерге немесе ТҚҚ Мәмілелерін жасауға байланысты өзге де мақсаттарға іс жүзінде қол жеткізуіне, инвестордың ниетіне немесе күтуіне қатысты жауапкершілікті қабылдмайды. Егер туынды қаржы құралдарымен мәмілелер жасау оң немесе күтілетін нәтижеге әкелген жағдайда да, инвестордың мұндай мәмілені жасаудан қаржылық нәтижесі қаржылық нәтижеден едәуір төмен болуы мүмкін, аталған нәтижені инвестор өзге де тең жағдайларда туынды қаржы құралының базистік активі болып табылатын активпен тікелей мәмілелер жасау нәтижесінде алуы мүмкін. Брокердің клиенттері бола отырып, инвесторлар ТҚҚ Мәмілелерін, оның ішінде басқа инвестициялар бойынша өз тәуекелдерін хеджирлеу мақсатында жасай алады, алайда Брокер инвестордың тарапынан хеджирленетін тәуекел мөлшерінің өзгеруіне байланысты ТҚҚ Мәмілелерінің сомасын түзетуді жүзеге асырмайды. Брокер инвесторда көрсетілген тәуекелдерге байланысты хеджирленетін тәуекелдердің және/немесе базистік активтердің болуын/болмауын тексермейді және бағаламайды. Брокер инвестордан ТҚҚ Мәмілелерін жасауға тапсырма қабылдаған кезде инвестордың ТҚҚ Мәмілелерін жасасу үшін экономикалық мақсаттары мен қажеттілігін сұрамайды және тексермейді.
Опциондарды «жазу», яғни сатушы төлем алатын опциондық келісімшарттарды немесе сыйлықақыны сату, опционның базистік активі болып табылатын қаржы құралын болашақта белгілі бір күні алдын ала белгіленген бағамен сатып алу немесе сату міндеттемесін қабылдаудың орнына, инвестициялық стратегияларды қолдану саласында айтарлықтай қаржылық мүмкіндіктері мен практикалық білімі бар тәжірибелі инвесторларға ғана ұсынылуы мүмкін екеніне назарыңызды аударамыз. Опциондарды жазу, сондай-ақ нарықтағы бағалардың салыстырмалы түрде шағын қолайсыз ауытқулары кезінде фьючерстік келісімшарттар жасасу инвесторды айтарлықтай шығындар тәуекеліне ұшыратуы мүмкін, бұл ретте жекелеген жағдайларда мұндай шығындардың мөлшері шектеусіз болуы мүмкін. Жоғарыда айтылғандарды ескере отырып, мұндай мәмілелерді жасау бұған дейін брокер Кәсіби клиент мәртебесін берген клиенттерге ғана қол жетімді екеніне назарыңызды аударамыз. Бөлшек клиенттер үшін деривативтермен сауда жасау мүмкіндіктері нормативтік және реттеушілік талаптарға, сондай-ақ клиенттердің осы екі санаты арасындағы дайындық дәрежесі мен тәжірибесінің айырмашылығына байланысты Кәсіби клиентке қарағанда аз. Бөлшек клиенттер мен Кәсіби клиенттер үшін сауда жасауға қол жетімді туынды қаржы құралдарының тізімі қолданылатын реттеуге сәйкес және/немесе Брокердің қалауы бойынша үнемі өзгеруі мүмкін. Бөлшек клиенттерге тек опциондық келісімшарттарды сатып алу, сондай-ақ бұған дейін сатып алынған опциондық келісімшарттардағы позицияны жабуға тапсырмалар беру қол жетімді (мұндай тапсырмаларды орындау кезінде клиент өзінің бұған дейін сатып алған құқығын басқа адамға сатады, бірақ бұл ретте опционды өзі «жазбайды» және опциондық келісімшарт бойынша сатушы болмайды). Опциондық келісімшартты сатып алу кезінде инвестордың шығындары инвестор төлеген опциондық сыйлықақының және Брокердің сыйақысының шамасынан аспайды.
Брокер Бөлшек клиенттерге ұйымдастырылған сауда-саттықта туынды қаржы құралдарының шектеулі тізіміне ғана қол жеткізуге мүмкіндік береді. Осымен инвестор ұйымдастырылған сауда-саттықта туынды қаржы құралдарымен мәмілелерді жасасу тәртібінің, сондай-ақ орындаудың жекелеген талаптарының сауда-саттықты тиісті ұйымдастырушының және клирингтік ұйымның құжаттамасында (егер қолданылса) айқындалатынын және барлық тиісті талаптың туынды қаржы құралдарымен тиісті мәміле жасауға инвестор тапсырма берген және брокер қабылдаған күнге белгілі бола алмайтынын түсінетінін, ұғынатынын және қабылдайтынын растайды.
Туынды құралдарды пайдалану тек арнайы білімі бар және олардың экономикалық және құқықтық табиғатын түсінетін инвесторларға кеңес беріледі. Клиенттердің деривативтермен сауда жасауға білім деңгейін арттыру және оларды дайындау үшін Брокер интернет-сайтта (https://ffin.kz/) Брокер ұсынатын арнайы дайындықтан өтуге кеңес береді. Оқудан өту табысты саудаға кепілдік бермейді және капиталды жоғалту тәуекелін жоққа шығармайды. Брокер клиенттерден өз қалауы бойынша немесе реттеушінің талап етуімен деривативтер саласында тестілеуден тұрақты түрде өтуді талап етуге құқылы. Сонымен қатар, Брокер деривативтермен сауда-саттыққа қол жеткізуді шектеуге немесе тыйым салуға немесе аталған тестілеуден өтпеген жағдайда жаңа позицияларды ашуға құқылы.
«Freedom Finance Global PLC» ЖК инвестор ТҚҚ Мәмілесін жасау туралы шешім қабылдаған жағдайда инвестордың ықтимал шығындары үшін жауап бермейді. Инвесторға әрбір ТҚҚ Мәмілесінің алдында инвестициялық талдауды өз бетінше жүргізуге және кәсіби консультация алуға кеңес беріледі. ТҚҚ Мәмілесін жасауға тапсырма бере отырып, Клиент барлық шешімді өз бетінше қабылдайтынын және осы Дисклеймерде, сондай-ақ Регламентке 4-қосымшада, биржалар мен делдалдар (NYSE, Options Clearing Corporation (OCC) және т.б.) орналастырған ақпараттық материалдарда ашылған барлық ықтимал тәуекелді толық түсінетінін мойындайды және келіседі. Клиент, сондай-ақ Брокердің ТҚҚ Мәмілелерін жасасуға байланысты Клиенттің ықтимал тәуекелдері мен шығындары үшін жауап бермейтінімен келіседі және мойындайды.
. Заполнение формы на сайте, запись по телефону не работает. Каждый раз оказывается, что меня в списках нет и снова записывают на следующий раз. "Отличная" работа!
