WeWork өзінің қытайлық бөлімшесі акцияларының бақылау пакетін сатуға қойды

WeWork шығысын қысқарту аясында, штаб-пәтері Нью-Йоркте орналасқан коворкинг желісі өзінің қытайлық бөлімшесіндегі акциялардың бақылау пакетін $200 млн долларға сатады. WeWork әлемнің ең ірі қалаларында офистік жылжымайтын мүлікті сатып алумен және жалға берумен айналысады. Компанияның хабарламасына сәйкес, ол директорлар кеңесінде өкілдігін сақтайды. Сондай-ақ компанияның меншігінде WeWork China акцияларының миноритарлық пакеті қалады. Бұдан басқа, ол өз бренді мен сервистері пайдаланылғаны үшін жыл сайынғы төлемді алады. 2019 жылғы төртінші тоқсанның соңына қарай WeWork компаниясының 140 қалада 739 офисі мен 662 мыңнан астам клиенті бар. Қазіргі уақытта WeWork компаниясы SoftBank-ке 80%-ға тиесілі. Компания әлі пайда алып келген жоқ және бірінші жарты жылдықта $723 млн мөлшерінде таза залал туралы хабарлады. "Өсу бағасы пандемиядан кейін қалпына келтіру процесінің қалай болатынына байланысты. Тіпті жылдың соңына дейін вирустың экономикаға ықпалының жалғасатыны ескерілсе де, болашақта коммерциялық жылжымайтын мүлікке және коворкинг қызметтеріне деген сұраныс айтарлықтай өседі. Ұзақ мерзімді әлеует сақталады", - деп атап өтті "Фридом Финанс" аналитигі Евгений Миронюк